ଚିରା କାଗଜ
ଚିରା କାଗଜ
ଚିଠିଟିଏ ଦିନେ କେଢ଼େ ସାରାଗରେ
ଲେଖିଥିଲି ପ୍ରିୟା ପାଇଁ
ପଢୁ କି ନ ପଢୁ ହୃଦୟର ଭାବ
ଖୁସି ହେବି ଦେଲେ ଛୁଇଁ ।
ରାଜଜେମା ପରି ରୂପଟି ପ୍ରିୟାର
ଓଠଯେ ଗୋଲାପ ହାଟ
ହସିଦିଏ ଯେବେ ସେ ଗୋଲାପୀ ଓଠେ
ଭୁଲିଯାଏ ମନ ବାଟ ।
କାଗଜ ଦେହରେ ଗୁନ୍ଥିଥିଲି ଶବ୍ଦ
ସାଇତି ପ୍ରଥମ ପ୍ରେମ
ହସିଦେଲା ଗୋରୀ ଚିଠି ହାତେ ଧରି
ଭାବିଲି ସଫଳ କାମ ।
ଗଗନରେ ମନ ଉଡୁଥାଏ ଖାଲି
ରାତିରେ ଫଳାଏ ସ୍ବପ୍ନ
ଗଜଗମନୀର କପଟ ପ୍ରୀତିକୁ
ପାରିଲାନି ବୁଝି ମନ ।
ଜବତ ହୋଇଲା ଦିନେ ସଞ୍ଜବେଳେ
ହାଟରେ ମୋ ପ୍ରେମ ଚିଠି
ନିର୍ଲଜ ପ୍ରେମିକା ତାଚ୍ଛଲ୍ୟ କରିଲା
ଚିଠିକୁ ଭାବିଲା ରର୍ଦି ।।