ଚିର ପୂଜ୍ୟ ମନୋଜ ଦାସ

ଓଡ଼ିଆ ସାହିତ୍ୟ ଆକାଶେ ଉଜ୍ବଳ

  ପ୍ରତିଭାତ ଧ୍ରୁବ ତାରା 

କୋଟି ଆୟୁଷ ଯେ ଅରଜି ଦେଇଛ

   ଅମଳିନ ଜ୍ୟୋତିଭରା |

ତୁମରି ଲେଖନୀ ଓଡ଼ିଆ ସାହିତ୍ୟେ

   ଦେଲା ନୂଆ ରୂପରେଖ 

ତୁମରି ସୃଜନୀ ବିଶ୍ୱେ ଚିହ୍ନାଇଲା

   ଓଡ଼ିଶାର ନୂଆ ମୁଖ |

ନବ ଓଡ଼ିଶାର ସୁଯୋଗ୍ୟ ସନ୍ତାନ

   ଗର୍ବିତ ସେ ତୁମପାଇଁ 

ଯୁଗ ଯୁଗ ପାଇଁ ପୂଣ୍ୟ ତା କୋଳ

   ତୁମପରି ପୁଅ ପାଇ |

ସାରା ଭାରତର ଅମ୍ଲାନ ପ୍ରଦୀପ

   ଜଳିଛ ଯେ ଜ୍ୟୋତି ଦେଇ 

ତୁମରି ଆଲୋକ ବିଶ୍ୱେ ଖେଳିଛି

   ଓଡ଼ିଶାର ଯଶ ଗାଇ |

କେତେ ଯେ କାହାଣୀ କେତେ ଉପନ୍ୟାସ

   ତୁମ ଲେଖନୀରୁ ସୃଷ୍ଟ 

ସବୁ କାଳଜୟୀ ଅମର ସୃଜନୀ

    ଦେଖାଏ ନୂଆ ଦିଗନ୍ତ |

ଧନ୍ୟ ତୁମ ପିତା ଧନ୍ୟ ତୁମ ମାତା

    ତୁମକୁ ଜନମ ଦେଇ 

ଧନ୍ୟ ତୁମ ଗାଆଁ ନାମ ଯେ ଶଙ୍ଖାରି

    ବାଲେଶ୍ୱର ଭୋଗରାଇ |

ଦେହ ସିନା ଛାଡି ଚାଲିଗଲ ତୁମେ

    ବଞ୍ଚିବ ଓଡ଼ିଆ ମନେ 

ଘେନ ଶ୍ରଦ୍ଧାଞ୍ଜଳୀ ହେ ପୂଜ୍ୟ ମନୋଜ

     ତୁମ ରୂପ ଗୁଣୀ ଗୁଣେ |