ଲାଇବ୍ରେରୀ
ପ୍ରୋଫାଇଲ୍
ଛନ୍ଦହୀନ ଜୀବନ
ଛନ୍ଦହୀନ ଜୀବନ
1 min
184
ସରଳ ନିଷ୍କପଟ ଛନ୍ଦହୀନ ଜୀବନ
ଅବିଶ୍ୱାସ ରହିତ
ଯେଉଁଠି କେବଳ ବସା ବାନ୍ଧିଛି
ବିଶ୍ୱାସ ଖାଲି ବିଶ୍ୱାସ
ଜୀବନର ଚାରି ଅବସ୍ଥା ଭିତରେ
ଯେମିତି ଶୈଶବର ପରିପ୍ରକାଶ।
ଅସୂୟା, ଦ୍ଵେଷ, ପରଶ୍ରୀକାତରତା
ଉର୍ଦ୍ଧ୍ବରେ ରହି
ଖୁସି ବାଣ୍ଟୁଥିବା ଜୀବନ
ଅନ୍ୟର ଖୁସିରେ ଖୁସି
ଆଉ ଦୁଃଖରେ ଦୁଖୀ ହୁଏ
ଜୀବନକୁ ବାଜି ଲଗାଇ
ପରସେବା କରେ ।
ନିଷ୍କପଟତାର ସୁଯୋଗରେ
କପଟୀ କପଟତାର ଜାଲ ବିଛାଏ
ଅଭିନୟରେ ବିଶ୍ୱାସ ଜନ୍ମାଇ
ମନ ଜିଣେ
ଛନ୍ଦ କପଟ ବୁଝୁ ନଥିବା ସିଏ
ବ୍ଲକ୍-ହୋଲର ଆକର୍ଷଣ
ମହାଜାଗତିକ ବସ୍ତୁକୁ
ନିଜ ଗର୍ଭକୁ ନେଲାପରି
ଆକର୍ଷିତ ହୁଏ,
ଜାଣିବା ବେଳକୁ
ଯନ୍ତ୍ରଣାର ଜତୁ ଗୃହେ
କପଟତା ଦାବାଗ୍ନିରେ
ଦାଉଦାଉ ଜଳୁଥାଏ
ତଥାପି ତା'ବିଶ୍ୱାସ ନିଶ୍ଵାସରେ ଥାଏ ।
