ଛନ୍ଦହୀନ ଜୀବନ
ଛନ୍ଦହୀନ ଜୀବନ
ସାତ ସୁରେ ପରା ଜୀବନଟା ବନ୍ଧା
ସାରେ ଗାମା ପାଧା ନିସା
ସଂଗୀତ ମୂର୍ଚ୍ଛନା ତୋଳି ଦିଏ ମନେ
ଅସରନ୍ତି ମଧୁ ଆଶା ।।
ସଂଗୀତ ର ସୁର ଅଟେ ସୁମଧୁର
ଭରିଯାଏ ମନେ ପ୍ରୀତି
ସପନ ଫାଙ୍କରେ ଦିଶେ ପ୍ରିୟା ମୁହଁ
ଚୋରା ଚଇତିର ଗୀତି ।।
ଛନ୍ଦଟା ନ ଥିଲେ ଜୀବନ ଆମର
ମରୁଭୂମି ତୁଲ ସମ
ବିନା ଛନ୍ଦରେ କି ଗାଇକି ପାରିବା
ଜୀବନ ସଂଗୀତ ଆମ ।।
ମରୁବାଲି ହେବ କଣ୍ଟା ଫୁଟି ଯିବ
ପାଦ ଚାଲିବନି ଆଉ
ସଂଗୀତ ଜୀବନେ ଭରି ବନି କେବେ
ସୁଖ ଝରଣାର ଦାଉ ।।
ସୁଖରେ ଦୁଃଖରେ ବଂଚିବା ସହିତ
ଲୋଡ଼ା ଜୀବନ ସଂଗୀତ
ହସଖୁସି ଦେବ ସରଗର ସୁଖ
ତା ସାଥେ ଆମେ ଜଡିତ ।।