ଛମ୍ ଛମ୍ ବର୍ଷା

ପ୍ରୀତି ସ୍ପର୍ଶ ଭକ୍ତି ପ୍ରେମ ଓ ଶରଧା ରହିଛି ଭକ୍ତି ଶିବର

      ଶିବ ଶିବ ରାବ ଗୁଞ୍ଜୁଛି ଭକ୍ତର

         ସଙ୍ଗକୁ ଶ୍ରାବଣ ଧାର ।

ଭାଇକାଉଁରିଆ ଚାଲେ ଧୀରେଧୀରେ ମୁଖରେ ତା ବମବମ

      ନମଃ ଶିବାୟର ରାବ ଗୁଞ୍ଜୁ ଥାଏ

         ଅଛି ତାର ଶ୍ରାଦ୍ଧ ପ୍ରେମ ।

ପ୍ରେମୀ ସେହୁ ପରା ମହାଦେବଙ୍କର ଯାଉ ଥାଏ ଚାଲି ଚାଲି 

       କରୁଣା କରିବେ ଅକର୍ମା ଦାନୀ ଯେ

         ଚାଲେ ହରେ ହରେ ବୋଲି ।

ଭକ୍ତିରସ ଭରା ଏ ଶ୍ରାବଣ ମାସ ମୃତ୍ୟୁଞ୍ଜୟ ଭକ୍ତି ରସ 

     ମହାକାଳ ନାମ ଗୁଞ୍ଜେ ମୃତ୍ୟୁ ଧାମେ

         ଶଶିଭୂଷଣଙ୍କ ମାସ ।

ନାମ ଆଦିଦେବ ଜଗତେ ବିଖ୍ୟାତ ଜଟାଧାରୀ ନାଗନାଥ 

      ନାଥ ମହାରୁଦ୍ର ଜଗତ ପ୍ରଖ୍ୟାତ 

          ତ୍ରିଲୋଚନ ଭୂତନାଥ ।

ହୁଏ ଅସମ୍ଭବ ସମ୍ଭବ ଭକ୍ତିରେ ଉମାପତି ଆରାଧନା 

      ଭାଇ କାଉଁରିଆ କାଉଁରି କାନ୍ଧରେ

         ରଖିଛି ଭକ୍ତି ଭାବନା ।

ଶିବଙ୍କ ମହିମା ଦେବେ ଅଗଚର ମନ୍ଦିର ଯାଇଛି ସାଜି

     ଭକ୍ତ କାଉଁରିଆ ଢାଳି ଦେବେ ଜଳ

        ଶିବଙ୍କ ଲିଂଗରେ ଆଜି ।

କେତେକେତେ ପୁଣ୍ୟ ଅର୍ଜନକରିବ ପାପତାରହେବଶୁନ୍ୟ

    ପ୍ରେମ ଶ୍ରଦ୍ଧା ପ୍ରୀତି ହୃଦୟେ ଗୁଞ୍ଜିବ

         ହେବ ଅହଂକାର ନିମ୍ନ ।

ସର୍ବଶକ୍ତିବାନ ଅକର୍ମା ଦାନୀ ହେ କର ଜଗତ ମଙ୍ଗଳ

     ଉନ୍ନତି ପ୍ରଗତି ହେଉ ଏ ଭାରତ

         ନିବେଦନ ହେ କେବଳ ।

ଜୀବ ଜନ୍ତୁ ପ୍ରାଣୀ ରୁହନ୍ତୁ ଆନନ୍ଦେ ଗୁହାରି କରୁଛି ମୁହିଁ

     ଚିନ୍ତା ହୃଦୟରୁ ଦୂର କର ନାଥ

       ରହି ଥିବି ତୋତେ ଚାହିଁ ।