ଛାଡପତ୍ର
ଛାଡପତ୍ର
ମନେ ଭାବୁଛି ମୁଁ ଫଟୋକୁ ମୋହର
ଫୁଲରେ ସଜାଇଦେବି,
ସେ ଫଟୋର ଫଟୋ ଉଠାଇ ତୋହର
ପାଖକୁ ପଠାଇ ଦେବି ।
ଦେଖିବି ତୁ ଆଉ କେତେ ଅଭିମାନ
କରିବୁ ବାପର ଘରେ
ଛାଡି ରହିବୁ କି ପଳାଇ ଆସିବୁ
ଅମାବାସ୍ୟା ଅନ୍ଧକାରେ ?
ଯାହା ତୁ କହିଲୁ ତାହା ତ ପାଇଲୁ
ଆଉ କେଉଁଥିରେ ରାଗ
କେଉଁଥିରେ ତୋର ଅଭାବ ରଖିଛି
କରୁଥାଉ ପ୍ରତିବାଦ ।
ରହିଲେ ରହିବୁ ନ ରହିଲେ ନାହିଁ
ଛାଡି ପାରିବିନି ଘର
ବାପା ବୋଉଙ୍କୁ ମୁଁ ପର କରିବିନି
ହେଉ ପଛେ ଛାରଖାର।
ବାପଘରେ ଜନ୍ମ ନେଇଥିଲୁ ପରା
ବାପଘରେ ତୁ ରହିବୁ
ଛାଡପତ୍ର ଟା ମୁଁ ପଠାଇ ଦେଉଛି
ଦସ୍ତଖତ କରିଦେବୁ ।
ଏମିତି ତ ମୋର ପଛେ କେହି ନାହିଁ
ଯେଣୁ ହେବ ଅବଶୋଷ
ବାପାଙ୍କୁ କହିବୁ ବାହା ଦେଇଦେବେ
ହୋଇଯିବ ମନ ତୋଷ।
ବାପା ବୋଉ ମୋର ଜୀବନ୍ତ ଠାକୁର
ତାଙ୍କର କରିବି ପୂଜା
ସବୁ ତାଙ୍କଠାରୁ ପାଇଛି ଜୀବନେ
ଆଉ କାହାକୁ ବା ଖୋଜା ?