ଛାଡ଼ି ଦିଅ ବାଟ ମୋହର

ଯେତେ କଥା ହେଲେ ସରିବନି କେବେ

ସୁଖ, ଦୁଃଖ ଆମ ପ୍ରେମର

ଏତିକିରେ ଥାଉ ଆସୁଛି ମୁଁ ବନ୍ଧୁ

ଛାଡିଦିଅ ବାଟ ମୋହର l

ବିପଦେ,ଆପଦେ ପୁଣି ଦେଖାହେବା

ଆମେ ଦୁହେଁ ପରସ୍ପର

ଏମିତି ଆଗକୁ ଆଉ କେତେ କଥା 

ଲାଗୁଥିବ ସବୁ ସୁନ୍ଦର

ଏତିକିରେ ଥାଉ ଆସୁଛି ମୁଁ ବନ୍ଧୁ

ଛାଡିଦିଅ ବାଟ ମୋହର l

ତୁମେ ପ୍ରେମ ହେଲେ 

ମୁଁ ତୁମ ପୃଥିବୀ

ଆମେ ଦୁହେଁ ଫୁଲ ଭଅଁର

ଆମେ ସବୁଦିନେ ଖୁସିରେ ଥିଲେ 

ଦୁଃଖ ହୋଇଯିବ ଦୂର

ଏତିକିରେ ଥାଉ ଆସୁଛି ମୁଁ ବନ୍ଧୁ

ଛାଡିଦିଅ ବାଟ ମୋହର l

ମାଟି ଠୁ ଆକାଶ 

ଆକାଶ ଠୁ ମାଟି 

ଯେମିତି କରନ୍ତି ଆଦର

ସମସ୍ତଙ୍କୁ ଆମେ ଦୁହେଁ ମିଳିମିଶି

ଦେଇଦବା ପ୍ରେମ ମନ୍ତର

ଏତିକିରେ ଥାଉ ଆସୁଛି ମୁଁ ବନ୍ଧୁ

ଛାଡିଦିଅ ବାଟ ମୋହର l