ଦେଶ

ହିଂସା ନୁହେଁ  ଅହିଂସା ମହକି ଯିବ

ଏବେ ଜୀବନକୁ 

ବାଜି ଲଗାଇବାର ସମୟ

ଚାଲ - ମାଡ଼ିଚାଲ  

ଦେଶପାଇଁ ସଂଘର୍ଷ କରିଚାଲ

ବନ୍ଧୁକର ଗୁଳିକୁ 

ଖାତିର୍ କରନାହିଁ

ଫୁଟୁଥାଉ ଢୋ ଢୋ ହୋଇ

ଜୀବନକୁ ମୁଠାଏ ହାତରେ ଭିଡି ରଖ

କୋଉଠି ହାର୍ ନମାନୁ ଯେମିତି

ଦେଶ ପାଇଁ ଜୀବନଟିଏ

ଦେଶ ପାଇଁ ସପନଟିଏ

ଦେଇପାରିବାନି l

ଆଲୁଅ ଭିତରେ ଅନ୍ଧାର 

ଅନ୍ଧାର ଭିତରେ ଆଲୁଅ

ଖୋଜିବାଟା ଶିଖ

ଜାତି ଜାତି ଭିତରେ ସମ୍ପର୍କ

ଧର୍ମ ଧର୍ମ ଭିତରେ ସମ୍ପର୍କ

ଗଢିବାଟା ଟିକେ ଶିଖ

ଦେଖିବ ଦେଶ - ମହାଦେଶ ପାଲଟିଯିବ

ପାଲଟିଯିବ ସୁନାର ଫୁଲ

ପାଲଟିଯିବ ସୁନାର ଦେଶ

ମହକୁଥିବ ମଲ୍ଲିଫୁଲର ବାସ୍ନା ଭଳି

ହସୁଥିବ ଲାଲ୍ ଗୋଲାପର ଫୁଲ ଭଳି l

ଦେଶକୁ ଆଦେଶ ଦିଅ ନାହିଁ

ଦେଶର ଆଗେ ଆଗେ ଧାଇଁଚାଲ 

ଯୁଦ୍ଧ କରିବାକୁ

ହିଂସା ମଣିଷ ମାନଙ୍କର ବିରୁଦ୍ଧରେ 

ସଂଘର୍ଷ କରିଚାଲ

ଦେଶର ମାନ ସମ୍ମାନ ପାଇଁ

ମାଟି ମା'ର ପ୍ରେମ ଓ ଆଦର ପାଇଁ l