ଚେଇଁ ଚେଇଁ ଦେଖେ ସ୍ବପ୍ନ

ନିଶା ଅନ୍ଧକାରେ ଦୁଃସ୍ବପ୍ନ ବିରାଜେ

      ଭୟେ ଶିହରଣ ମନ

ହେଲେ ଦିବାଲୋକେ ଚେଇଁ ଚେଇଁ ଦେଖେ

      କେତେ କେତେ ଦୁଃସପନ

ପ୍ରଭୁ, ହୀନିମାନ ଏ ଜୀବନ ।୦।

ମାଡି ମାଡି ପଡେ ସତେ ଚାରିଆଡେ

      ଅଦୃଶ୍ୟ ଶକ୍ତି କରାଳେ

ଏରୁଣ୍ଡି ଡେଇଁଲେ ଦାଣ୍ଡେ ଗୋଡ଼ ଦେଲେ

      ଗ୍ରାସି ଦେବ ବାହୁ ବଳେ

ରୀତି, ନିତି କିଛି ନ ମାନିଲେ ପ୍ରଭୁ

      ଚାଲିଯିବ ଏ ଜୀବନ ।୧।

ମହା ବାହୁବଳୀ ମହା ଶକ୍ତିଶାଳୀ

      କେତେ ବେଳେ କେଉଁ ରୂପେ

ଥରାଏ ଜଗତ କରେ ହନ୍ତସନ୍ତ

      ଶାପ ଗ୍ରସ୍ତ କାହା ଶାପେ

ଏ ବିପଦ ବେଳେ ସାହାହୁଅ ବାରେ

      ହେ ପ୍ରଭୁ ଚକାନୟନ ।୨।