Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prabhati Mahapatra

Abstract Inspirational

4  

Prabhati Mahapatra

Abstract Inspirational

ଚାଳ ଘରର ମୋହ

ଚାଳ ଘରର ମୋହ

1 min
316



ସଂସାର ଭିତରେ ଅତି ଆନନ୍ଦରେ

ବିତି ଯାଏ ମୋର ଦିନ

ମୋ ପରି ସୌଭାଗ୍ୟ ଅଛି କି କାହାର

ଯାତନାର ନାହିଁ ଚିହ୍ନ ।

ମଥା ଗୁଞ୍ଜିବାକୁ ଉପଲଭ୍ୟ ମୋତେ

ଖଣ୍ଡିଏ ତ ଚାଳ ଘର

ସେହି ଘର ମୋର ସରଗ ସମାନ

କରେ କେତେ ଉପକାର ।

ବିଚିତ୍ର ଦୁନିଆଁ ଜାଳି ଅହଂ ନିଆଁ

ଅଟ୍ଟାଳିକା କରେ ଛିଡା 

ଚାବି କୋଲପରେ ଅବହେଳା ହୋଇ

ଗୃହ ପାଉ ଥାଏ ପୀଡ଼ା ।

ଯେଉଁ ଘରେ ନାହିଁ ସ୍ନେହ କି ମମତା

ସେ ଘରେ ଅଛି କି ସୁଖ

ଜଳେନା ପ୍ରଦୀପ କିବା ଗନ୍ଧ ଧୂପ

ଈଶ୍ଵର ହୁଅନ୍ତି ରୁକ୍ଷ ।

ଉନ୍ମୁକ୍ତ ଆକାଶେ ଜୀବନ ତରସ୍ତେ

ନାହିଁ ଖଣ୍ଡେ ଚାଳ ଘର

ମୋର ସୌଭାଗ୍ୟରୁ ଦନ୍ତ ରୁଅ ଦିଶୁ

ଲଭିଛି ମୁଁ ଉପକାର ।

ଗ୍ରୀଷ୍ମର ଉତ୍ତାପ କି ଅବା ସନ୍ତାପ

ଦୂର କରେ ଚାଳ ଗୃହ

ସନ୍ତାନ ସମାନ ପାଳୁ ଥାଏ ନିତି

ଦେଇ ତିରଣର ମୋହ ।

ଧୀରେ ଧୀରେ ସିନା ଚାଳ ଘର ଲୁଚେ

ଇନ୍ଦିରା ଆବାସ ପାଇ

ଅସଲି ସୁଖ ତ ଚାଳ ଘରେ ଥାଏ

ସଂଲଗ୍ନ ମାଟିର ଭୂଇଁ ।

ଝାଟି ମାଟି ଘର ମୋର ପ୍ରିୟତର

ଗ୍ରାମାଞ୍ଚଳେ ମନୋହର

ମୁଠାଏ ପଖାଳ ସେ ଘରେ ଭୁଞ୍ଜିଲେ

ସତେ ଲାଗେ ସ୍ବର୍ଗ ପୁର ।

ଝଡ ବରଷା ତ ଅତରା ଖସାଇ

ଚାଳ ଘର କରେ ଧ୍ୱଂସ

ସେହି ଭଗ୍ନ ଗୃହ କହି ଦେଉ ଥାଏ

ଦୁର୍ବଳ ନହୋଇ ହସ ।

ଭୋଗୁ ଥିଲେ ସୁଖ ଦୁଃଖ ଭାରି ଲାଗେ

ସତେ କି ପର୍ବତ ଗରୁ

ନିମ୍ନ ସ୍ଥାନେ ଥିଲେ ପତନର ଭୟ

ଲିଭି ଯାଏ ବହୁ ଦୂରୁ ।

ହେଉ ଚାଳ ଘର ମହତ ଅପାର

ଅନୁଭବି ଯାଯାବର

ଜୀବନରେ ମିଳୁ ମଥା ଗୁଞ୍ଜିବାକୁ

ଚାଳ ବହୁ ଗୁଣେ ସାର ।


Rate this content
Log in