ବୁଝାମଣା
ବୁଝାମଣା
ଜୀବନ ଏମିତି ବଞ୍ଚିବାକୁ ହେଲେ
ସମାଜକୁ ସାଥେ ନେଇ
ପରିସ୍ଥିତି ସହ ବୁଝାମଣା ହୁଏ
ସମୟକୁ ତାଳ ଦେଇ |
ବହୁ ଝଡଝଞ୍ଜା ଜୀବନେ ଆସଇ
କରିବାକୁ ପଡେ ସାମ୍ନା
କାର୍ଯ୍ୟ ସିଦ୍ଧି ପାଇଁ ଅନ୍ୟ ସହ ପଡେ
କରିବାକୁ ବୁଝାମଣା |
ପରିବାର ଠାରୁ ଦେଶ ଦେଶ ମଧ୍ୟେ
ସବୁଠି ସମସ୍ୟା ଅଛି
ଚାଲିବାକୁ ହୁଏ ଜୀବନର ପଥ
ବୁଝାମଣା ମାତ୍ର ସାଥି |
ମଣିଷ ମାତ୍ରେ ହିଁ ଭୁଲ କରିଥାଏ
କେବେ କେବେ ଅଜାଣତେ
ସେହି ଭୁଲକୁ ସୁଧାରିବା ପାଇଁ
ବୁଝାମଣା ହୁଏ ପ୍ରୀତେ |
ସଂସାର ଜଞ୍ଜାଳେ ହୋଇଥାଏ ଗତି
ଅଭାବେ ଅବା ସ୍ଵଭାବେ
ଶାନ୍ତିରେ ବିତଇ ବୁଝାମଣା ଥିଲେ
ଅଘଟଣ ଘଟେ ଯେବେ |
ପତି ପତ୍ନୀ ମଧ୍ୟେ ମାନ ଅଭିମାନ
ଲାଗିଥାଏ ବେଳେବେଳେ
ସମାଧାନ ହୁଏ ଉଭୟଙ୍କ ମଧ୍ୟେ
ଅଳ୍ପ ଆଲୋଚନା ବଳେ |
ସମାଜରେ ଘଟେ ସମ୍ପତ୍ତି ପାଇଁ ଯେ
ଗଣ୍ଡଗୋଳ ଘଟିଥାଏ
ବରିଷ୍ଠ ଲୋକଙ୍କ ମଧ୍ୟସ୍ଥତା ବଳେ
ବୁଝାମଣା ହୋଇଥାଏ |
ଦେଶେ ଦେଶେ ଜଳେ ଅଶାନ୍ତିର ବହ୍ନି
ବିଭିନ୍ନ ସମସ୍ୟା ଆସେ
ଜାତିସଂଘ ବସି ବୁଝାମଣା କରେ
ଦେଖି ଉଭୟଙ୍କ ସ୍ଵାର୍ଥେ |
ଅତୀତେ ଘଟିଛି ବିଶ୍ୱରେ ଅନେକ
ଯୁଦ୍ଧ ଅବା ଆନ୍ଦୋଳନ
ସବୁ ସମସ୍ୟା ତ ବୁଝାମଣା ବଳେ
ହୋଇଅଛି ସମାଧାନ |
ବିଶ୍ଵଶାନ୍ତି ପାଇଁ ଏକମାତ୍ର ଅସ୍ତ୍ର
ଦେଶେ ଦେଶେ ବୁଝାମଣା
ଶକ୍ତିମାନ ସିଏ ଜଗତେ କେବଳ
କରଇ ଶାନ୍ତି ସ୍ଥାପନା |