ବସନ୍ତରେ ପ୍ରେମ

ଶୀତ ଶେଷରେ ଯେତେବେଳେ 

କୋଇଲିର ମୃଦୁ କୁହରଣ ଶୁଭେ 

ଆମ୍ବ ବଉଳର ଗହଳ ପେନ୍ଥା ଭିତରେ

ପ୍ରେମ ଚୈତାଳୀ ରେ ଝୁରିହୁଏ 

ଆମ୍ବ କଷିର ବାସ୍ନାୟିତ ମଧୁ ପାଇଁ 

ମହୁମାଛି ଉଡ଼ିବୁଲନ୍ତି ବଉଳରେ 

ଦଳ ଦଳ ହୋଇ ।

ହେମନ୍ତର କଅଁଳ ଖରା ପ୍ରଭାବରେ

ଋତୁ ଚ଼କ୍ରର ଆବର୍ତ୍ତିତ ସମୟରେ

ସାଇଁ ସାଇଁ ପବନର ବେଗ ପାଇ

ପ୍ରେମ ବଞ୍ଚବା ସିଖୁଥିଏ 

ପତ୍ରଝଡା ଦେଇ ଥିବା ଗାଁ ମୁଣ୍ଡିଆ 

ଲଣ୍ଡା ମହୁଲ ଗଛରେ, କଅଁଳୁଥିୂବା

ପିଙ୍ଗଳ ପତ୍ରହୋଇ ।

ଅନାଦି କାଳରୁ ହଳଦୀବସନ୍ତ 

ଫୁଲ କଢ଼ି ଖାଇ ସୁର ଧରେ ବେଳାରେ

ପୂରବୀ ରାଗର କୁହରଣକୁ କାନେଇଁ

ବସନ୍ତ ଆସେ ପୁନଶ୍ଚ ଧରାକୁ ମୋ ପାଇଁ 

ପ୍ରେମ ବସନ୍ତର ଆଗମନରେ 

ଭରା ଯୌବନ ପ୍ରାପ୍ତି କରି 

ଝରିଯାଏ ଛକ ପଟାଭାଡ଼ି ରେ

କୃଷ୍ଣଚୁଡା଼ର ପାଖୁଡ଼ା ହୋଇ ।