ବସନ୍ତ ଆସିଛି

ବସନ୍ତ ଆସିଛି ଆମ ଏ ଧରାକୁ ଋତୁରାଜଟିଏ ହୋଇ ପୂର୍ଣମୀ ଜହ୍ନର ଶୁଭ୍ର ଜୋଚ୍ଛନାରେ ଫୁଲର ସମ୍ଭାର ନେଇ ।

ମନ୍ଦ ମନ୍ଦ ହୋଇ ମଳୟ ବୁହଇ   ପରିବେଶ ଲାଗେ ନୁଆଁ ବସନ୍ତ ପାର୍ବଣେ ଖେଳିଯାଏ ମନେ    ନୂତନ ଆଶାର ଛୁଆଁ ।

ହଳଦୀ ବସନ୍ତ ଗାଉଅଛି ଗୀତ   କେଡେ ସୁମଧୁର ସୁରେ କୋଇଲି ରାବଇ ଆମ୍ବ ଗଛ ଡାଳେ    ଶୁଭୁଥାଏ ବହୁଦୂରେ ।

କନକ ଚମ୍ପାର ବାସ ଛୁଟିଆସେ    ସକାଳ ସଂଜରେ ନିତି ନବ ମଲ୍ଲୀକାର ମହମହ ଗନ୍ଧେ    ଆମୋଦିତ ପ୍ରେମୀମତି ।

ମନ କୁଞ୍ଜବନେ ନୟନ ଦେଖୁଛି    ମିଳନର କେତେ ସ୍ବପ୍ନ ହୃଦୟେ କନ୍ଦରେ ଖେଳି ତ ଯାଉଛି    ଆବେଗଭରା କମ୍ପନ ।

ବଉଳ ପାଟର ମୁକୁଳ ବାସ୍ନାରେ    ତୋଷ ହୋଇଯାଏ ମନ ଫଗୁର ରଙ୍ଗରେ ହୋଲି ରଙ୍ଗ ଖେଳି    ହସେ ଏ ସାରା ଭୂବନ।