ବରଯାତ୍ରୀ

ଦାଣ୍ଡ ଦୁଲୁକଇ ଆକାଶ ଚମକଇ

   ଭିଡ଼କୁ ଜମେଇ ଯାଉଛି ବର

ବାଜା ରୋଷଣୀ ସଙ୍ଗେ ଆତସବାଜି

   ଜମିଛି ନାଚ ଗୀତର ଆସର l

ମୁହଁରେ ବୋଳିଛି ବହଳେ ପାଉଡ଼ର

   ଓଠେ ଲାଲ ଲିପଷ୍ଟିକ ଧାର

ଖୋସାରେ ଖୋସିଛି ଗଜରା ମାଳ

    ଗଳାରେ ଚକ ମକିଆ ହାର l

ସାଜିଛି ଆଜି ମୁଁ ବରଯାତ୍ରୀ

  ଭାରି ଆଜି ମୋର ଖାତର

ଛାତିକୁ ଫୁଲାଇ ବର ସଙ୍ଗତରେ

   ଚଳେ ଧରି ଭଳିଭଳି ପଟୁଆର l

ଗରମ ସାଜିଛି ମୋହର ବଇରୀ

   ବହେ ଝାଳ ଧାର ଧାର

ତା ସଙ୍ଗେ ବହିଲାଣି ମୋର

   ବୋଳି ଥିବା ଧଳା ପାଉଡ଼ର l

ନାଚି ନାଚି ଥକିଲାଣି ପାଦ

  ଦିଶେନି କନିଆର ଘର ଦୁଆର

 ଭୋକରେ ଦେହ ହେଲାଣି ବେହାଲ

     ହୋଇଲାଣି ପରା ରାତି ବାର l

ପହଞ୍ଚିଲୁ ଯେବେ, ସଂଖୋଳି ଆମକୁ

   ବସିଲା ବେଦିରେ ବର

ଅବିଳମ୍ବେ ଆମେ ଭୋଜନା ଳୟରେ

   ଭୋଜନ ନିମନ୍ତେ ହେଲୁ ହାଜର l

ଆଶା ମୋର ଆଶାରେ ରହିଲା

   ଦେଖିଲି ଯେବେ ମୁଁ ପତର

ବେଳ ଗଡ଼ିଲାଣି ସବୁ ଗନ୍ଧିଲାଣି

    ସ୍ୱାଦିଷ୍ଟ ଭୋଜନ ସପନ ଦୂର l