ବରତ
ବରତ
ଇଶ୍ୱର ମିଳନ୍ତି ବିଶ୍ୱାସ ବଳରେ
ତରକେ ବହୁତ ଦୂର
ଧର୍ମ ଓ ବିଶ୍ୱାସ ଆମ ଅସ୍ମିତାର
ହୃଦ ଭାବ ସଦା ସାର l 0 l
ସବୁ ମାସ ମଧ୍ୟେ କାର୍ତ୍ତିକ ମାସଟି
ଶ୍ରେଷ୍ଠ ବୋଲି ଜନେ କହି
ପଞ୍ଚକ ବରତ ଏ ମାସ ରେ ପଡ଼େ
ଭୁଲିବାର କେବେ ନାହିଁ l 1 l
ଶୁକ୍ଳ ଏକାଦଶୀ ତିଥିରୁ ଆରମ୍ଭ
ପଞ୍ଚକ ବରତ ହୁଏ
କାର୍ତ୍ତିକ ପୂର୍ଣ୍ଣିମା ଶେଷରେ ବରତ
ସମାପନ ହୋଇଯାଏ l 2 l
କେ ଭୀଷ୍ମ ପଞ୍ଚକ କେ ବକ ପଞ୍ଚକ
କେ ବିଷ୍ଣୁ ପଞ୍ଚକ କୁହେ
ଭକତ ଭାବରେ ପଞ୍ଚକ ର ନାମ
ମହା ପଞ୍ଚକ ବି ହୁଏ l 3 l
ଶୁଦ୍ଧ ଓ ସାତ୍ତ୍ଵିକ ଖାଦ୍ୟ କୁ ଗ୍ରହଣ
କରିଥାନ୍ତି ସର୍ବଜନ
ଏହି ପଞ୍ଚକ କୁ କରିଲେ ପାଳନ
ମିଳେ କାଳେ କୋଟି ପୁଣ୍ୟ l 4 l
ପିତାମହ ଭୀଷ୍ମ ଏହି ପଞ୍ଚକ ରେ
ଧର୍ମ ର ସ୍ୱରୂପ କଥା
ରାଜଧର୍ମ ଆଉ ଦାନଧର୍ମ ପୁଣି
ଭାଷି ମୋକ୍ଷ ଧର୍ମ ଗାଥା l 5 l
ଯେପରି ଭୋଜନ ସେହିପରି ମନ
ହୋଇଥାଏ ମନେରଖ
ମନକୁ ସାତ୍ତ୍ୱିକ କରିବାଟା ମୁଖ୍ୟ
ସେହି କଥା ସଦା ଶିଖ l 6 l
ତୀର୍ଥ ମଧ୍ୟେ ଶ୍ରେଷ୍ଠ ବଦରିକାଶ୍ରମ
ମାସ ରେ ଅଟେ କାର୍ତ୍ତିକ
ଭଗବାନ ମଧ୍ୟେ ବିଷ୍ଣୁ ଶ୍ରେଷ୍ଠ କହି
ବ୍ରତେ କି ଶ୍ରେଷ୍ଠ ପଞ୍ଚକ ? I
ପର ଉପକାର ଶ୍ରେଷ୍ଠ ଧରମ ଟି
ପରପୀଡ଼ା ବଡ଼ ପାପ
ଲୋଭ, ମୋହ,ହିଂସା ହୃଦମଧ୍ୟେ ଥିଲେ
କି ଲାଭ ଇଶ୍ୱର ଜପ ? I 8 l
ପଞ୍ଚକ ସମୟେ ବକ ବି
ସାତ୍ତ୍ଵିକ ପରି କରେ ବ୍ୟବହାର
ସେ ନିମନ୍ତେ ବୋଧେ ବକ ପଞ୍ଚକ ଟି
ହୋଇଛି ନାମ ତାହାର l 9 l
ଧାର୍ମିକ ବିଶ୍ୱାସ ପଞ୍ଚକ ପରବ
ଆସ ସମସ୍ତେ କରିବା
ଜୀବନ ରେ ନିଶ୍ଚେ ପର ଉପକାର
କରି ଭଲ ଲୋକ ହେବା l 10 l