ବର୍ଷଟିଏ

 

କିଛି ସୁଖ, କିଛି ଦୁଃଖ

କିଛି ପ୍ରାପ୍ତି, କିଛି ଅବଶୋଷ

କିଛି ପ୍ରେମ, କିଛି ପ୍ରତାରଣା

ଫେଣ୍ଟା ଫେଣ୍ଟି ବର୍ଷଟିଏ,

ଜୀବନ ଯାତ୍ରାର ପାଦ ଚିହ୍ନଟିଏ ।

ଆନନ୍ଦରେ ଆସିଥାଏ

ଅଳତା ନାଇ

ନବବଧୂର ପାଦରେ ପାଦ ମିଳାଇ,

ବିଧବାର କପାଳରୁ ସୂର୍ଯ୍ୟାସ୍ତ ପରି

ବିଦାୟ ବେଦନା ।

ଫୁଟି ଆସୁଥିବା ଫୂଲର ସୁରଭି

ଆମୋଦିତ ଲଗ୍ନରେ

ବିସ୍ମୃତ ହୁଏ, ପତ୍ରଝଡା ଦେଉଥିବା

ପତ୍ରର ଇତିବୃତ୍ତି

ଅବଦାନ ଅବସାଦ ଅଥବା 

ରଙ୍ଗଛଡା ସବୁଜିମା ।

କାକୁସ୍ଥ ମୂଦ୍ରାରେ

ଅତିକ୍ରମି ଯାଉଥିବା

ଅବସନ୍ନ ପଥିକଟିଏ

ହିସାବ କରେନି

ତା ମୁଣିର ମାନକୁ

ଇତିହାସ ତାକୁ

ପାଛୋଟି ନେଲେ ହେଲା ।।