ବରଷାରାଣୀ

ବରଷାରାଣୀ ଲୋ ବରଷାରାଣୀ

କଳା ମେଘକୁ ତୁ କରି ଓଢଣୀ

ଆ ତୁ ଲୋ ହୋଇ ଖୁସି

ଟପ୍ ଟପ୍ କରି ବରଷି ଯାଆ

ଏ ଧରା ଉଠୁ ହସି।

ଦରଜ ମନରେ ଡାକୁଛି ମୁହିଁ

ଶାବଣ ପୁଣିରେ ଆସିଲା ଧାଇଁ

କହୁଛି ମାଟି ମାଆ

ଲୁଚି ରହନା ଲୋ କଉଠି ଆଉ

ସଅଳ ତୁ ଚାଲି ଆ ।

ଜୀବଜଗତକୁ ରଖି ମନରେ

ଜଳ ନେଇ ଆ ନିଜ ସାଥିରେ

ମରୁଡ଼ି ଦୂରେଇ ନେ

ତୋତେ ଦେଖି ଚଷା ହୋଇବ ଖୁସି

ଏ କଥାକୁ ବୁଝି ନେ ।

ବରଷାରାଣୀ ଲୋ ବରଷାରାଣୀ

ମୋ ମନରେ ଥିବା କଥାକୁ ଜାଣି

ଯାଆ ଲୋ ବରଷି ଯା। ।

ଉଛୁଳି ପଡୁଲୋ ନଈ ପୋଖରୀ

ବରଷା ନେଇ ତୁ ଆ। ।

ଏ କି କରୁ ଆରେ ନର ସମାଜ

ନାହିଁ କିରେ ମୁନ୍ଡେ ତୋର ମଗଜ

ଗଛ କାଟୁଛୁ ବୋଲି

ଅଭିମାନ କରି ବରଷା ଆସୁନି

ତା ବିନା ପାରିବୁ ଚଳି ?

-ଗୁପ୍ତେଶ୍ଵର ନନ୍ଦ ଶଙ୍କରା, ବିନିକା, ସୁବର୍ଣ୍ଣପୁର