ବର୍ଷାର ହଜିଲା ସ୍ମୃତି

ଲାଜକୁଳି ଭାରି ଝିଅଟି ତା ନାଁ

  ବର୍ଷା କୁମାରୀ ଜେନା

ସାଙ୍ଗ ମିଲି ସହ ଆଜି ବଡ଼ିଭୋରୁ

  ଗଲା ଚାଲିବାକୁ ସିନା ।

ସଂକୀର୍ଣ୍ଣ ରାସ୍ତାରେ ଆଗରୁ ପଛରୁ

  ଦୁଇଟି ବୋଝେଇ ଗାଡ଼ି

ଧକ୍କା ବାଜି କାଚ ଗଲା ଭାଙ୍ଗି ରୁଜି

  କଡ଼କୁ ଗଲା ଯେ ମାଡ଼ି ।

ଚିପ୍ସ ପଥର ବୋଝେଇ ଗାଡ଼ିଟା

  ବର୍ଷାକୁ ନେଲା ଘୋଷାଡି

ଛିଟିକି ପଡ଼ିଲା ଆଗରେ ମିଲିଟି

  ଚେତା ଗଲା ତା'ର ଉଡ଼ି ।

ହାତରୁ ମିଳିଲା ମିଲି ମୋବାଇଲ

  ଘରକୁ ଆସିଲା ଫୋନ

 ଦଉଡ଼ିଲେ ସବୁ ଘଟଣାସ୍ଥଳକୁ

  ଯେତେ ପ୍ରିୟ ପରିଜନ ।

ଗାଡ଼ି ଚକ ତଳେ ପଡିରହିଥିଲା

  ବର୍ଷାରାଣୀ ଅଲିଅଳି

 ବାପ ଶିବଜେନା ବୁଡିଗଲା ଚେତା 

 ପଡ଼ିଲା କାନ୍ଦ ବୋବାଳି ।

ଭାବୁଥିଲା ମାଆ ଝିଅ ତା ସକାଳୁ

  ଯାଇଅଛି ଫୁଲ ତୋଳି

ଆସିକି ଏଇନେ କହିବ ମାଆଲୋ 

  ଖାଇବାକୁ ଦେ ବୋଲି ।

ବଡ଼ ଝିଅ ବୋଲି ବଢ଼ିଛି ଗେହ୍ଲାରେ 

  ପଢୁଛି କଲେଜେ ପାଠ 

ବୟସ କୋଡ଼ିଏ ହୋଇନି ତାହାକୁ 

  ଅଛି କେତେ ତାର ସ୍ୱପ୍ନ ।

ଅକାଳେ ଅବେଳେ ଆସିଲା କୁଆଡୁ

   ଦୁର୍ଘଟଣା ଅପମୃତ୍ୟୁ

ଆସିବନି ଫେରି ନିରୀହା ବର୍ଷା

   ହସିଖେଳି ବଞ୍ଚିବାକୁ ।

ବଢିତ ଯାଉଛି ପୁରୁଣା ଗୁଳାରେ

   ଗାଡିମଟରର ସଂଖ୍ୟା

ପାଦରେ ଚାଲିବା ବିପଦ ସଙ୍କୁଳ

   ଜୀବନ ହାନୀ ସମସ୍ୟା ।

ନିରାପଦ ହେଉ ଗମନାଗମନ

   ରାସ୍ତାଘାଟ ସୁପ୍ରଶସ୍ତ

ନଯାଉ ଜୀବନ ଅକାଳରେ ଝରି

  ଦୁର୍ଘଟଣା ବଡ଼ ଦୁଃଖ ।

    -----------