ବର୍ଷାର ଅପୂର୍ବ ଅନୁଭବ
ବର୍ଷାର ଅପୂର୍ବ ଅନୁଭବ
ଟପ ଟପ ମଧୁ ଝରା ଏଇ ବର୍ଷା
ମନରେ ପିପାସା କାମନା ଅନେକ
ପଥିକ ମେଣ୍ଟାଏ ତୃଷା
ଅମୃତ ଝରା ଏ ବର୍ଷା
ଦୂର ହୁଏ ରାଗ ରୋଷ ଦ୍ୱେଷ ଇର୍ଷା
ରିମ ଝିମ ସ୍ଵରେ ଗାଏ ମଲ୍ହାର ବରଷା
ବିଜୁଳି ବତୀ ତେଜି ଦେଖାଏ ବାଟ
କେତେ ସବୁଜିମା ବିପଣୀ ନାଟର ହାଟ
ସବୁଜ ପତରେ ପତରେ ଆଖି ଝଲସା
ପକ୍ଷୀ ତା ନିଡ଼ରୁ
ସାଧବବୋହୁ ତା ଗଡ଼ରୁ
ଘଡ଼ଘଡି ବାଜା ଶୁଣି ସହସା
ମୟୂର ମୟୂରୀ ନୃତ୍ୟ ତାଳେ ତାଳେ
ମୃଦୁ ମନ୍ଦାକିନୀ ନୀରବ ଭାଷା ଶବ୍ଦ ଚଉତିଶା
ଗଗନ ପବନ ଜଳ ଓ ଜୀବନ
ନାଆ ଓ ନାଉରୀ କରେ ନିବେଦନ
ବରଷା ଆଉ ତୁ କରନା ଲୋକହସା
ମହକିତ ମନ ଆକାଶେ କଳାବାଦଲ ଛାଇ
ଭରା ଜଳେ ଭାରି ଦେହ ବହି ନଈ
କେବେ ତୃଷା ଆଉ ତୃଷ୍ନା ମିଶି ଆଶ୍ଳେଷା ।।