Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Ranjan Kumar Brahma

Classics


3  

Ranjan Kumar Brahma

Classics


ବର୍ଷା

ବର୍ଷା

1 min 365 1 min 365


ଭୂଦେବୀ ପୂଜିଲି  ଚିତଉକୁ ନେଇ


  ବୃଷାଙ୍କୁ ବରିଲି ଦେଇ ଚନ୍ଦନ ।


କେଦାର ହିଡେ  ଦୁବଚାଉଳ ଦେଇ 


  କହିଲି ହେ ବର୍ଷା ରହିଲା ରାଣ ।।



ଆଷାଢ଼ ଯାଇକି  ଶ୍ରାବଣ ସରୁଛି


  କିମ୍ପା ଏତେ ଡେରି ଆସିବା ତୁମ ?


ମନ ପୋଡି ଯାଏ  ବୁକୁ ଫାଟି ଯାଏ


  ମେରୁଦଣ୍ଡ ଯିଏ ଦେଶର ଆମ ।।



ତଳିଘରାଟିର   କି ଦଶା କହିବି 


  ମାଟି ଫାଟି ଯେବେ ଆଁ ଟି କରେ ।


ତରୁ ଘନବଲ୍ଲୀ  ବଞ୍ଚିକି ଅଛନ୍ତି


  ପୁଷ୍କରକୁ ଝୁରି ନୀରସ ମୁଖେ ।।



ବେଙ୍ଗେଇ ନାନୀ  ଗଛ ମୂଳେ ରହି 


  ଅନାଇ ରହୁଛି ତଵ ପଥକୁ ।


ଖଦ୍ୟୋତର ଖେଦ  ନ କହିବା ଭଲ

 

  ଲୁଚାଉଛି ମୁହଁ ଜନ ଜାତିକୁ ।।



ବର୍ଷ ଆରମ୍ଭରୁ  ପିଲାଏ ପଢ଼ନ୍ତି 


  ବରଷା କବିତା ଅତି ସରାଗେ ।


ଖୋଜନ୍ତି ଚିତ୍ରକୁ  ନିଜ ପରିବେଶେ 


  ନ ମିଳଇ ତାହା ତୁମ ବିଳମ୍ବେ ।।



ଛାଡି ରାଗରୁଷା  ଆସ ତୁମେ ବର୍ଷା


  ସଜାଇଦିଅ ହେ ଧରଣୀ ଦିହ ।


ଧନ ସମ୍ପଦରେ  ଭରିଦିଅ କୋଳ 


  ଦେଇ ହାରୀ ସୁଖ ଜୀବଙ୍କ କୋହ ।।


ଘଣ୍ଟାପଥୁ ମୁହିଁ   ଜଗି ବସିଅଛି 


  ପାଛୋଟି ନେବି ମୁଁ ମୋ ପୁରକୁ ।


ହସିବ ଜଗତ  ହସିବ ମୋ ଧରା


  ଗାଇ ତୁମ ଗୁଣ କାଳ କାଳକୁ ।।





Rate this content
Log in

More oriya poem from Ranjan Kumar Brahma

Similar oriya poem from Classics