ବର୍ଷା

ବର୍ଷା ତତେ ଦେଖି ଲାଗେ

ଟିକେ ଟିକେ ଇର୍ଷା

ତୁ ଇନ୍ଦ୍ର କନ୍ୟା ଇଦ୍ରଧନୁ ସଂହିତା

 ରଙ୍ଗୋଲି ରଙ୍ଗର ବର୍ଷା ll

ମେଘ ସଵାରୀରେ ଶ୍ରାବଣରେ

ଧରାକୁ ଆସିବା ନିଶା

କିଆ କେତକୀ ସେବତୀଙ୍କ

ଆଞ୍ଜୁଳେ  ଅଞ୍ଜଳି ନିଶା

ଛାଡ଼ି ଆକାଶ ଉଆସ ରାଜଜେମାଙ୍କ ll

 ପରସ ପିୟୁଷ ବର୍ଷା

ମେଘ ପାଲିଙ୍କିରେ ଛତା ଟାଣି ଛାତ

 ବାଦଲ ଆଖି ଭାଷା

ବୁଝୁ କି ନବୁଝୁ ମେଘ ସଵାରୀରେ

ସବୁଜ ଓଢଣୀରୁ ମୁରୁକି ହସା ll

ନାଲି ଗୁଲୁ ଗୁଲୁ ସାଧବ ବୋହୁ ଟା

ମାରୁଅଛି ଆଡ଼ରୁଷା

କୃଷକ ଆନନ୍ଦେ ଭାଗବତ ପଦ ପାଦେ

ବୋଲଇ ବି ଚଉତିଶା ll

ବୁଢ଼ୀମାଆ ଭରି ପୂର୍ଣ୍ଣକୁମ୍ଭ ମାଗୁଛି

ଆଶିଷ ଆୟୁଷ ହରି ଭରସା

ଦେଖି ଆକାଶରେ ରୋଷଣୀ ତୋହର

ଚାଷୀର ଆଖି ଝଲସା ll

ସଵାରୀ ପାଲିଙ୍କି ପାଟୁଆର ସାଥେ

ତୁଷାର୍ତ୍ତ ପଥିକ ତୃଷା

ପଶୁ ପକ୍ଷୀ ନର ନାରୀ ଆବାଳ ବନିତା

ଗାଏ ଯଜ୍ଞ ଜାଗୃତି ଜାଗତିକ ଭାଷା ll