ବର୍ଷା ଗଜଲ

ବରଷା ପଡୁଛି ଟୋପି ଟୋପି

ବରଷା ପଡୁଛି ଝିପି ଝିପି

କୁଆପଥର ଖସୁଛି ଟିପି ଟିପି

କାଗଜ ଡ଼ଙ୍ଗା ଚାଲୁଛି ଥିରି ଥିରି

ବେଙ୍ଗୁଲି ରାଣୀ କହେ କାହାଣୀ

ବେଙ୍ଗ କହେ ରାଜା ତୁ ମୋ ରାଣୀ

ପରଜାପତି ଦଉନି ଧରା

ମୟୁର ଗାଉଛି ଗୀତ ଗଜଲ

ମୟୂରୀ ନାଚୁଛି ପିନ୍ଧି ଘୁଙ୍ଗୁର

ଚାତକୀ ଆଖିରେ ଲୁହ ଓ କୋହ

ବରଷାକୁ ଦେଖି ହୁଏ ସେ ଥୟ

ଚାତକିନୀ ସାଜି କେତକୀ ଫୁଲ

କହୁଛି ବରଷା ଆସିଲୁ ଭଲ

ଘାସ ଗାଲିଚାରେ ସାଧବବୋହୁ

ଆକାଶ ଉଆସେ ବରଷା ସାଜି ବୋହୁ

ଧରାକୁ ଆସିଛି ବର୍ଷା କରୁଛି ନାଚ

ସବୁଜିମା ଭରି ଦେଇଛି ଦେଖିବ ଆସ

ଭାଇ ଭଉଣୀ ଲେଖିବା ବରଷା ଜୀବନୀ

ପଢିବା ପାଠ ହେବା ସୁନା ଚାଟ

ବରଷା ଋତୁର ବର୍ଣ୍ଣନା ହାଟ

ମେଘ ସଵାରୀରେ ବର୍ଷା ଆସିଛି

ଘଡଘଡି ଚଡ଼ଚଡି ବାଜା ବାଜୁଛି

ବିଜୁଳି ରହି ରହି ଚମକି ପଡୁଛି

ଜେଜେମାଆ କୋଳେ ମୁନା ରହି

ନୃସିଂହ ନୃସିଂହ ଡାକ ଶିଖୁଛି ।