ବଡ଼ ହେଲେ

ବଡହେଲେ ମୁଁ ସୈନିକ ହେବି

ମାଟି ମାଆ ପାଇଁ ଜୀବନ ଦେବି

ପୁଣି ଦେବି ମୋ ଦେହ ସବୁ ରକତ

ମୋ ପାଇଁ ମୋ ଦେଶ ଜୀବନ ମିତ

ବଡ଼ ହେଲେ ହେବି ବଡ଼ ଡାକ୍ତର

ଦୁଃଖୀ ସେବାରେ ଦିନ କଟିବ ମୋର

ନିସ୍ଵାର୍ଥପର ହୋଇ ସେବା କରିବି

ଦିନ ରାତି ରୋଗୀ ସେବା କରିବି

ବଡ଼ ହେଲେ ମୁହିଁ ଶିକ୍ଷକ ହେବି

ସୁନାର ମଣିଷ ନିଜେ ଗଢିବି

ଭାରତ ମାଆ ର ଗାଇବି ଗାଥା

ବିଦେଶେ ବାଣ୍ଟିବି ଅହିଂସା ବାର୍ତ୍ତା

ବଡ଼ ହେଲେ ବଡ଼ ନେତା ମୁଁ ହେବି

ଦୁଃଖୀ ଦରିଦ୍ରଙ୍କ କଥା ବୁଝିବି

ନିଜ କଥା ସବୁ ପାସୋରି ଦେଇ

ଜାତି ଭାଇ କଥା ଆଗ କରିବି