ବୃନ୍ଦାବନଧାମେ ମୋ ଚିତ୍ତ ରହୁ -୨
ବୃନ୍ଦାବନଧାମେ ମୋ ଚିତ୍ତ ରହୁ -୨
ବୃନ୍ଦାବନ ଧାମେ ମୋ ଚିତ୍ତ ରହୁ _୨
ଯଥା କୌପିନ କରି ଧାରଣ ଭ୍ରମିବି ପଛେ ମୁହିଁ,
ବିନା ଭୋଜନ ଫଳ ଭକ୍ଷିଣ ଦିବସ ନେବି ବାହି ।
ଅଯଥା ବାର୍ତ୍ତା ନକରି ଚିନ୍ତା ଆବଶ୍ୟ କଥାମାନ ,
ବିନା କାରଣ କରି ବାରଣ ତେଜିଣ ଅଭିମାନ ।
ପ୍ରଭୁ ଭକତ ଦ୍ଵାରକୁ ଗତ ଯାଇଣ ଭିକ୍ଷା ମାଗି ,
ପୋଷିବି ମୋର ଏଇ ଉଦର ପ୍ରଭୁଙ୍କ ଅନୁରାଗି ।
ପ୍ରଭୁଙ୍କ ଭକ୍ତ ଖୋଜି ଜଗତ ଅନୁସରଣ କରି,
ଶ୍ରୀବୃନ୍ଦାବନ ପରମ ଧାମ ବାସ ହୋଇବ ମୋରି ।
ଦେଖି ସ୍ତ୍ରୀ ଜାତି ନଭ୍ରମୁମତି ମାତୃତ୍ଵ ଭାବ ଆସୁ,
ପ୍ରାଣୀମାନଙ୍କୁ ଦେଖି ମନକୁ ଉପାସ୍ୟ ଭାବ ଆସୁ ।
ଅର୍ଜିତ ଧନ ଜଗତଜନ ଆର୍ଥିକ ଲାଭ ଦେଖି,
ମ୍ଳାନିତ ମନମୁଖ ବଦନ ମନରେ ହେବିସୁଖି ।
ଦାରା ତନୟେ ମନ ଅଥୟେ ନ ହେଉ କେବେ ମୋର ,
ପୀଡ଼ା ଯେ ଦିଏ ଶତ୍ରୁ ସେ ନୁହେଁ ପରମ ବନ୍ଧୁ ମୋର।
ଶ୍ରୀବୃନ୍ଦାବନ ମୋ କର୍ମ ସ୍ଥାନ ରାଧା କୃଷ୍ଣରେମତି,
ଆନନ୍ଦମନେ ଶ୍ରୀବୃନ୍ଦାବନେ ହୋଇବ ମୋରଗତି ।