ବୃକ୍ଷ ରୋପଣ

ସବୁଜ ବଳୟ ହୋଇବ

କଲେ ବୃକ୍ଷ ରୋପଣ ।

ସୁରକ୍ଷିତ ଆମେ ରହିବା

ବୃକ୍ଷ ଆମ ଜୀବନ ।

ବୃକ୍ଷ ଅମ୍ଳଜାନ ଦିଅଇ

ଶୋଷି ଅଙ୍ଗାରକାମ୍ଳ ।

ସନ୍ତୁଳନ ରଖେ ଧରାର

ଦିଏ ସୁରକ୍ଷା ବଳ ।

ସହର କଳ କାରଖାନା

ଗଢି ଗଛ କାଟିଲେ ।

ଗଛର ସୁରକ୍ଷା ନକରି

ଆମେ ତାକୁ ନାଶିଲେ ।

ନଦୀ ତଟରେ ବୃକ୍ଷ ରୋପ

ବନ୍ଧ ଦୃଢ ହୋଇବ ।

ରାସ୍ତା ପାର୍ଶ୍ବରେ ବୃକ୍ଷ ରୋପ

ଶୀତଛାୟା ମିଳିବ ।

ଅବ୍ୟବହୃତ ଜାଗା ଯହିଁ

ତହିଁ ବୃକ୍ଷ ରୋପଣ ।

କରିବା ସହଜ ସୁନ୍ଦର

ହେବ ଆମ ଜୀବନ ।

ବନୀକରଣ ବି ହୋଇବ

କଲେ ବୃକ୍ଷ ରୋପଣ ।

ବରଷା ଦିନରେ କରିବା

ଆମେ ବୃକ୍ଷ ରୋପଣ ।

ସହଜରେ ଗଛ ବଞ୍ଚିବ

ଜଳ ଦାନ କରିବା ।

ଯତନ କରି ଗଛ ସବୁ

ଆମେ ବଞ୍ଚାଇ ଦେବା ।

ନିଜେ ବୃକ୍ଷ ରୋପି ଆନକୁ

ପ୍ରରୋଚିତ କରିବା ।

ସଭା ସମିତିରେ ବୃକ୍ଷ ଏକ

ଉପହାର ଦେବା ।

ବୃକ୍ଷ ଉପକାରୀ ଆମର

ବନ୍ଧୁ ତା ପରି ନାହିଁ ।

ଜନ୍ମ ଠାରୁ ମୃତ୍ୟୁ ପର୍ଯ୍ୟନ୍ତ

ସେବେ ଆମକୁ ସେହି ।

ଆସ ମୋର ଭାଇ ଭଉଣୀ

ଆମେ କରିବା ପଣ ।

ବୃକ୍ଷବନ୍ଧୁ ଆମେ ସାଜିବା

କରି ବୃକ୍ଷ ରୋପଣ ।