ବୋଉ ଆଉ କାଞ୍ଚନଫୁଲ

ତୁ ପରିବା କଟିଲା ବେଳେ

ମୁଁ ପଚାରେ କେତେ କଥା

ରାଜା ପୁଅ ଆଉ କଞ୍ଚାନ ଫୁଲର କଥା ।

କଥା ଛଳରେ କେତେବେଳେ

ହାତ କଟିଯାଏ...ତୁ କହୁନା

ପିନ୍ଧା କାନିରେ ରକ୍ତ ଦେଖି

ମୁଁ ଜାଣିପାରେ

ବାପା କୁହନ୍ତି ସେଦିନ କୁଆଡେ

ତରକାରୀ ସୁଆଦିଆ ହୋଇଥିଲା

ହେଲେ ମୋ ଭିତରଟା

ଝରି ଯାଉଥିଲା

ତତଲା ମହମ ସବୁ

ମୁଁ ପାରୁନି

ଆଜି ବି ପାରୁନି

ବେଳ ଅବେଳ ରେ 

ତୋ ଗୋଡ଼ ନ ଘଷିଲେ

ମୋତେ ନିଦ ହୁଏନି ।

ତୋ କାନିରୁ ଫିଟେଇ 

କେତେ ଥର ଦେଇଛୁ 

ମିଠେଇ ଖାଇବାକୁ

ତୁ ସେମିତି ରହିଯାଉ

ଚା ବଦଳେ ଗରମ ପାଣି ପିଇ

ତୋ ପଣତ କାନିର

ଟିକି ଫୁଲ ସବୁ

ଝରିପଡ଼େ ମୋ ପଲକ ରୁ ।

ଆଜି ବି ସେ ପଣତ କାନିରେ 

ମୁହଁ ନ ପୋଛିଲେ

ମୋ ପେଟ ପୁରେନି ।