ବୋତଲ ଉବାଚ

ମଦ ବୋତଲ ଟି , ହସି ଖିଲି ଖିଲି

କହୁ ଅଛି କେତେ କଥା

ଆହାକି ସୁଆଦ ଲାଗେ ମାଲ ପାଣି

 ପିଇ ଦେଲେ , ଦୂର ଚିନ୍ତା ।

ମାତ।ଲ ମାନଙ୍କ ପାଇଁ ସେହି ହିଁ ତ

ସାଧୁ ଥାଏ ନିତି ହିତ

ତାହାରି ହେତୁ ରୁ ମତାଲିଆ ମାନେ

ନିତି ହୋନ୍ତି ଉପକୃତ ।

ବହୁ ପରିମାଣ ଭିଟ।ମିନ ଦ୍ରବ୍ୟ

ତହିଁ ଅଛି ଭରପୁର

ପାଟିକୁ ସୁଆଦ ଦେହ ପାଇଁ ହିତ

ଅର୍ଥେ ହୁଏ ବ୍ୟବହାର ।

ପିଇ ଦେଲେ ଟିକେ ,  ଚିନ୍ତା ଦୂର ହୁଏ

ଲାଗଇ ଫୁର୍ତ୍ତି ଆରାମ

ଉନ୍ମାଦନା ଭରା ଅନନ୍ୟ ସୁରଭି 

ଗନ୍ଧେ ବିମୋହିତ ମନ ।

ଚେତନା ରେ ଦିଏ ଦିବ୍ୟତା ସ୍ପନ୍ଦନ

ପୁଲକ ପ୍ଲାବନ ଆଣେ 

ପୃଥିବୀରେ ଶ୍ରେଷ୍ଠ ଦ୍ରବ୍ୟ ଯଦି କିଛି

ଅଛି , ମଦ ବୋଲି ଜାଣେ ।

ମାଉଁସ ସହିତ ଖିଆ ଯାଇଥାଏ

ଦେଶୀ ବା ହେଉ ବିଦେଶୀ

ପିଇ ଦେଲେ ଟିକେ ମନ ଉଡେ ସୁଖେ

ପ୍ରାଣେ ଲାଗେ କେତେ ଖୁସି ।

ମୁଁ ମଦ ବୋତଲ କର ମୋତେ ଗେଲ

 ତମ ସେବା କରୁ ଥିବି

ଦେହ ବଥା ରୋଗ ବ୍ୟାଧି ର ଆରୋଗ୍ୟ

 କରି ଦିବ୍ୟ ଶାନ୍ତି ଦେବି ।