ଲାଇବ୍ରେରୀ
ପ୍ରୋଫାଇଲ୍
ବୋଲେ ହୁଁ ଟି
ବୋଲେ ହୁଁ ଟି
1 min
156
ଜୀବନ ନଉକା ଚାଲୁଛି ବୋଲେ ହୁଁ ଟି
ମଝି ଦରିଆରେ ପଡିଛି ବୋଲେ ହୁଁ ଟି।
ନାଆ ମଙ୍ଗ ଯିଏ ଧରିଛି ବୋଲେ ହୁଁ ଟି
ବିଶ୍ଵ ନୀୟତାଙ୍କ ଏଖେଳ ବୋଲେ ହୁଁ ଟି।
କାହାକୁ ରଖିବେ ଅନନ୍ତ ବୋଲେ ହୁଁ ଟି
କାହାକୁ ମାରିବେ ଜାଣନ୍ତି ବୋଲେ ହୁଁ ଟି।
ସେହି ଏକା ସାହା ଭରଷା ବୋଲେ ହୁଁ ଟି
ନାହିଁ ତାଙ୍କ ପରି ଜଗତେ ବୋଲେ ହୁଁ ଟି।
ଯଦି ଜପୁ ଥିବୁ ଅନ୍ତରେ ବୋଲେ ହୁଁ ଟି
ସୁଖ ଦୁଃଖ ସଦା ସାଥି ସେ ବୋଲେ ହୁଁ ଟି।
ପ୍ରତ୍ୟହ ତୁମକୁ ଖୋଜିବେ ବୋଲେ ହୁଁ ଟି
ଭକ୍ତ ଭଗବାନ ଏକାଠି ବୋଲେ ହୁଁ ଟି।
ମାୟା ବନ୍ଧନକୁ ଛିଣ୍ଡାଅ ବୋଲେ ହୁଁ ଟି
ଯୋଡ଼ି ହୋଇ ଯିବା ତା ସାଥେ ବୋଲେ ହୁଁଟି।
ମୁକ୍ତିର ପଥରେ ନଉକା ବୋଲେ ହୁଁଟି
ଭାସି ଭାସି ଯିବ ସର୍ବଦା ବୋଲେ ହୁଁ ଟି।
ତୁମେ ମୋର ପିତା ମାତା ଯେ ବୋଲେ ହୁଁ ଟି
ତୁମ ବିନା ଲାଗେ ଅସାର ବୋଲେ ହୁଁ ଟି।
ତୁମ ସଂଗେ ମୋତେ ଯୋଡ଼ିଦେ ବୋଲେ ହୁଁଟି
ଶରଣ ନେଲିରେ କାଳିଆ ବୋଲେ ହୁଁ ଟି।
