ବନ୍ଧୁତା-୩
ବନ୍ଧୁତା-୩
ଏମିତି ବନ୍ଧୁଟେ ପାଇଛି ଜୀବନେ
ତା ପରି ନାହିଁ କେ ସତେ
ଛାଇଟିଏ ହୋଇ ସାଥିରେ ଚାଲୁଛି
ହାତ ରଖି ମୋର ହାତେ ।
ରକ୍ତ ସଂପର୍କ ଠୁ ଅଧିକା ନିବିଡ଼
ଆମ ଏ ବନ୍ଧୁତ୍ୱ ଡୋର
ଦେହ ହେଲେ ମୁଁ ଛାଇଟି ଏ ସେହି
ସେ ଫୁଲ ମୁଁ ପାଖୁଡ଼ା ତାର ।
ଖୁସିରେ ତୁମର ହସ ମୋର ଝରେ
ଦୁଃଖରେ ଗଡଇ ଲୁହ
ହୃଦୟ ଗୋଟିଏ ତୁମର ମୋହର
କେବଳ ଅଲଗା ଦେହ ।
ତୁମ ପରି ଜଣେ ନାହିଁ ଆଉ କେହି
ଶ୍ରେଷ୍ଠ ବାନ୍ଧବୀ ହେ ମୋର
ଜୀବନ ନାଟକେ ହେ ଶ୍ରେଷ୍ଠ ନାୟିକା
କେବେ ହେବ ନାହିଁ ଦୂର ।
କଥା ଦିଅ ମତେ କଥା ରଖି ମୋର
ଯିବ ନାହିଁ କେବେ ଭୁଲି
ଆମ ବନ୍ଧୁତାର ସ୍ତୁପ ହେବ ଗଢା
ନାମ ସୋନାଲି ସ୍ମିତାଲି ।