ଲାଇବ୍ରେରୀ
ପ୍ରୋଫାଇଲ୍
ବନ୍ଧୁତ୍ୱ
ବନ୍ଧୁତ୍ୱ
1 min
297
ବନ୍ଧୁତ୍ୱ କାହାକୁ କହନ୍ତି କେମିତି କହିବି ଜାଣିନି
କିନ୍ତୁ ଯେତେବେଳେ ବି କର୍ଣ୍ଣଗୋଚର ହୁଏ ଏଇ ଶବ୍ଦ,
ମାନସପଟରେ ଦୃଶ୍ୟମାନ ହୁଏ
କିଛି ଅଭୁଲା କୋମଳ ଚେହେରା।
ପ୍ରତିଦିନ ମୋ ପାଇଁ ବ୍ୟାଗ୍ ଭିତରେ ଲୁଚେଇ
ଖାଇବା ଆଣୁଥିବା ଗୋଟେ ଝିଅର ଚେହେରା,
ମୋର ପହଞ୍ଚିବା ବିଳମ୍ବ ହେଲେ
ଶ୍ରେଣୀରେ ମୋ ଉପସ୍ଥାନ ପକାଉଥିବା ଗୋଟେ ପିଲାର ଚେହେରା।
ମତେ ମାଡରୁ ବଞ୍ଚେଇବା ଲାଗି ମିଛ କହି
ସାରଙ୍କ ଠାରୁ ମାଡ଼ଖାଉଥିବା ଗୋଟେ ପିଲାର ଚେହେରା,
ମୋ ସଙ୍ଗେ ରାଜାରାଣୀ ଖେଳଖେଳି ସ୍କୁଲ ନଯାଇ
ମାଆଙ୍କଠୁ ଗାଳିଖାଉଥିବା ଗୋଟେ ଝିଅର ଚେହେରା।
ମୋ ପାଇଁ ନିଜ ଘରୁ ଆମ୍ବୁଲ ଚୋରିକରି
ବାପାଙ୍କଠୁ ମାଡ଼ଖାଉଥିବା ଗୋଟେ ପିଲାର ଚେହେରା,
ନିଜ ଦୋକାନରୁ ଏକଡ଼଼ଜନ କାଚଗୁଳି ଚୋରିିକରି
ମୋତେ ଦେଇଥିବା ଗୋଟେ ଝିଅର ଚେହେରା।
