ଆମେ କଲାହାଣିଆଁ

ଆମେ କଲାହାଣିଆଁ ଆମର କରମ ଖଣିଆଁ

ଆମେ କଲାହାଣିଆଁ ଆମର କରମ ଖଣିଆଁ

ସବୁଠାନେ ଧକା ଦେଲ ତମେ ବାବୁ

କାଏଜେ କଲ ଏଡକୀ ହିନିମାନିଆଁ.

ଚପରାସୀ ଠାନୁ ଯନ୍ତ୍ରୀମନ୍ତ୍ରୀ ତକ

ସବେତ ମାରୁଛ ପଟି

ଏସି ଘରେ ବସି ଗନ୍ଧରିରସ୍ ପିଇ

ମାତିଥିସ ଛାଡି ଡ୍ୟୁଟି

             

ବାବୁମନେ ନେସ ତମେ ପିସି

ଟାଉଟରମନେ ନେସ ପିସି

ପିସି ନେଇ ନେଇ ବାଟ ଘାଟ ଆମର

କରିଦେଲ ତମେ ଖଣିଆଁ..

ଚିକେନ୍ ମଟନ ସାଙ୍ଗେ ସବୁଦିନେ ତମେ

ଖାଉଛ ତନ୍ଦୁରୀ ରୁଟି

ଛୁଆ ପିଲା ଆମର କାନ୍ଦୁଥିସନ ଭୁକେ

ନାଇଁ ମିଲେ ଶୁକା ରୁଟି

  

ବେଗ ମୁନାଥି ବିଅର ଶିଶି

ସାର୍ଟ ମୁନାଥି ଅତର ଶିଶି

ଶିଶି ଧରି ଧରି ବାବୁହେଲ ତମେ

ଆମେ ହେଲୁ ହିନିମାନିଆଁ.