ଦେଖିବା ଲାଗି ତୁମକୁ

ସୁରୁଜ ଯାଇଛି ରହି ଦେଖିବା ଲାଗି ତୁମକୁ

ଚାନ୍ଦ ବି ରହିଛି ଚେଇଁ ଦେଖିବା ଲାଗି ତୁମକୁ

ମୁଁ ବି ରହିଛି ଜାଗି ଦେଖିବା ଲାଗି ତୁମକୁ ।

ସୁନା ଓ କୁନ୍ଦୁରୁ ଆଣି ତ ନାହିଁ ମୁଁ

ନାହିଁ ମୋ'ଠି ଗନ୍ଧରସ

ସବୁତ ତୁମରି କୃପାରୁ ପାଇଛି

ଦେବି ଆଉ ମୁଁ ଯେ କିସ

ତୁମରି ମହିମା କରି, ତୁମରି କୀର୍ତ୍ତନ କରି

ଖୁସି କରିବି ମୁଁ ତୁମକୁ ।

ଏ ପାପୀ ମନକୁ ଦେବି ମୁଁ କାହାକୁ

ପାପ ମୋର କ୍ଷମା କର

ଅନୁତାପ ହୃଦେ ତମ ସାଥେ ଆଜି

ଚାଲିବି ମୁଁ ମୋ ବାଟ

ତୁମରି ଗୌରବ କରି, ତୁମରି ପ୍ରସଂଶା କରି

ଖୁସି କରିବି ମୁଁ ତୁମକୁ ।