ବନ୍ଧୁ ବାଛିବ କିପରି ?

ବିପଦେ ଆପଦେ ସୁଖ ସମୃଦ୍ଧିରେ

              ଯିଏ ଭାଗିଦାର ହୋଇ,

ନିଜ ଜୀବନକୁ ଜଳାଞ୍ଜଳି ଦେଇ

             ପରେ ନିଜ ସଖା ପାଇଁ l (1)

ସୁଖରେ ହସିବ ଦୁଃଖରେ କାନ୍ଦିବ

               ଉତ୍କଳମଣିଙ୍କ ପରି,

ସୁଦାମାଙ୍କ ପରି କେବେ ନ ଭୁଲିବ

                ନିଜ ସଖାକୁ ଯେପରି l (2)

ବନ୍ଧୁ ବାନ୍ଧି ଯିଏ ବିପଦେ ପକାଏ

               ସେ ତୁମର ହୁଏ ଅରି,

ତୁମ ଜୀବନକୁ ପେଣ୍ଡୁ ଭାବି ସିଏ

               ଖେଳୁଥାଏ ହାତେ ଧରି l (3)

ବିପଦେ ଆପଦେ ସାହାଯ୍ୟ ନ କରି

               ବିଦ୍ରୁପ ଯେ କରୁଥାଏ,

ଜ୍ୱର ରୋଗ ହେଲେ ଠିଆ ହେବା ଦୂରେ

               ଜମାରୁ ଦେଖା ନ ଦିଏ l (4)

ସାଙ୍ଗର ମର୍ଯ୍ୟାଦାକୁ ପାଦରେ ଠେଲି

                ହସୁଥାଏ   ଖିଲିଖିଲି ,,

ବିପଦରୁ ତାକୁ ଉଦ୍ଧାର ନ କରି

       &

Advertisement

nbsp;       କାଦୁଅରେ ଦିଏ ଠେଲି l (5)

ଯେଉଁ ସାଙ୍ଗ ପାଖେ ଧନ ପୁରୀଥାଇ

                 ମାଗିଲେ ଦିଅଇ ନାହିଁ,

ବିପଦରେ ପଡ଼ି କାତର ହୋଇଲେ

                ଦୁଃଖ ତାର 'ନ' ବୁଝଇ l (6)

ସମ୍ପଦ ବେଳେ ବନ୍ଧୁ ସମୀପେ ରହି

                ଜଗୁଆଳି କାମ କରେ,

ଟଙ୍କା ଲାଳସାରେ ସାଙ୍ଗର କଥାକୁ

                ଅକ୍ଷରେ ପାଳନ କରେ l(7)

ବନ୍ଧୁ ପାଖରୁ ଧନ ସମ୍ପତ୍ତି ନେଇ

                ଧନୀ ହେବାକୁ ଯେ ଚାହେଁ,

ମିଳୁଥିଲେ ଭଲ ନ ମିଳିଲେ ସଲ

                କହୁଥାଏଁ ସାଙ୍ଗ ମୁହେଁ l (8)

ଏପରି ସାଙ୍ଗ ଯାହାର ଥିବ ଭାଇ

                ପାଖରୁ ଦିଅ ଦୁରେଇ,

ଏପରି ସାଙ୍ଗ ନାଗ ସାପ ଠାରୁ

                ଭୟଙ୍କର ସେ ଅଟଇ l (9)

ଯେଉଁ ସାଙ୍ଗ ନିଜକୁ ଅସାର ମଣି

               ସାଙ୍ଗ ପାଇଁ ଜୀବନ ଦିଏ,

ସପ୍ତପୁରୁଷ ଯାଏଁ ଜୀବନ ସାଥି

              ଭାବରେ ସେ ପୂଜା ପାଏl(10)