ବଳବାନ୍

କିଏ ଏଠି ବଳବାନ୍ , 

କେବେ କେହି ଭାବେ

ନିଜ ଦେଖେଇ ହେବା ପଣ ରେ ଏଠି ସଭିଏଁ ଆଗୁଆ

ବଳ ପ୍ରଦର୍ଶନ ଦୌଡ଼ ରେ ସଭିଏଁ ଚମ୍ପିୟାନ

କିଏ ଆର୍ଥିକ ବଳ ରେ ଭାରି ବଳୀୟାନ

କିଏ ଗୁଣ୍ଡାରଜ୍ ର ବାହୁବଳ ରେ 

ବଳୀୟାନ

କିଏ ନାଲି ଆଖି ଦେଖେଇ 

ସଭିଙ୍କୁ ଅକ୍ତିଆର କରିବାରେ ବଳୀୟାନ

କିଏ ମୁଠେ ଭାତ ଥାଳି ର ଲୋଭ ଦେଖେଇ

ଗରିବ ଙ୍କ ପାଇଁ ଚକ୍ରବ୍ୟୁହ ବିଛେଇବାରେ ବଳୀୟାନ

କିଏ କୁଟୀର ଖଣ୍ଡିଏ ର ଆଶା ଦେଖେଇ

ନିଜ ପାଦ ତଳେ ହଜାରେ ମୁଣ୍ଡ କୁ 

ଚାପି ରଖିବାରେ ବଳୀୟାନ

ବାହୁ ବଳ ସେଇଠି ଦେଖେନା 

ସମ୍ପର୍କ ର ମୂଲ୍ୟ

ବୁଝେନା ଏକତା ର ଅର୍ଥ

ସ୍ବାର୍ଥ ପାଇଁ ନିଜ ଲୋକ ପଡ଼ିଯାଏ ବଳି

ଥରେ ଭାବିଛ

ସବୁ ବଳ ରେ ଉପରେ ସେଇ 

ଜଗ ତ୍ କର୍ତ୍ତା

ତାଙ୍କ ଶକ୍ତି ସମ୍ମୁଖରେ କାହାର କେତେ ବା ବଳ

ନା ବାହୁବଳ , ନା ଅର୍ଥ ର 

ସଚ୍ଚା ମାନବିକତା ର ବଳ ରେ

ହୋଇଯାଏ ଯେ ବଳୀୟାନ

ସେ ହିଁ ତ ବଳବାନ୍