ବିଷୟର ଖେଳ

ବିଷୟର ଲୋଭନୀୟ ଖେଳ

ପ୍ରକୃତିର କମନୀୟ ତାଳ

ବାଧ୍ୟ କରେ ଅସଂଯମୀ ଚିତ୍ତେ

ଜଳିବାକୁ କାମନାର ଲେଲିହାନ ଶିଖା, 

ମରୀଚିକା ପଛେ ପଛେ ଧାଇଁ

ତୃପ୍ତି କେବେ ମିଳିବାର ନାହିଁ

ତୃଷିତ ପରାଣ ହୁଏ ଆହୁରି ତୃଷିତ

ଜଳିଯାଏ କାମନାର ଲେଲିହାନ ଶିଖା ।

କାମନାର ପୂର୍ତ୍ତି ପାଇଁ ସଦା

କରୁଥାଉ କେତେ ଯେ କାଇଦା

ଗୋଟିଏ ପୂର୍ତ୍ତି ହେଉ ହେଉ ବା ଅପୂର୍ତ୍ତି

ନିତି ନବ କାମନାର ହୁଏ ପୁଣି ଦେଖା,

ଅସରନ୍ତି ଅସୀମ ତା ସଂଖ୍ୟା

କରେନାହିଁ କାହାରି ପ୍ରତୀକ୍ଷା

ଝାସଦେଲେ ସେ ନିଆଁ ରେ ଆଉ ନାହିଁ ରକ୍ଷା,

ବିଷୟର ଶିକୁଳି ଭିତରୁ

କାମନାର ବନ୍ଧନ ଫାଶରୁ

ପ୍ରବୃତ୍ତିର ମାୟା ଜାଲ ପ୍ରକୃତି ବଶରୁ

ପାଇବାକୁ ଏକମାତ୍ର ଗୋଟିଏ ଉପାୟ,

ଅସୁମାରୀ କମନାକୁ ଜାଳି

ନିବୃତ୍ତିର ପଥେ ଯିବା ଚଳି

ସିମିତରେ ରହିବା ସନ୍ତୋଷ

ସଦାନନ୍ଦେ କରିଯିବା ଆନନ୍ଦସ୍ୱରୂପ ଜୟ