ଲାଇବ୍ରେରୀ
ପ୍ରୋଫାଇଲ୍
ବିଷକନ୍ୟା
ବିଷକନ୍ୟା
1 min
384
ମିଠା ଜହର ଗୋ ସାଥି ତୁମ ପ୍ରେମ
ଖେଳିଗଲା ଦେହସାରା
ପତଙ୍ଗର ପରି ଜାଳିଦେଲା ମୋତେ
କରିଦେଲା ବେସାହାରା ।।
ବିଛୁଆତିକୁ ମୁଁ ତୁଳସୀଟେ ଭାବି
ଦେହସାରା ବୋଳିହେଲି
ରକତ ଅଶ୍ରୁରେ ଭିଜିଗଲା ଦେହ
ପ୍ରେମରେ ମୁଁ ହାରିଗଲି ।।
ମହୁରେ ବି ଥାଏ ହଳାହଳ ବିଷ
ତୁମେ ଯେ ଉଦାହରଣ
ମୃତ୍ୟୁବିନା ମତେ ଦେଖେଇଦେଲ ଗୋ
ଜୁଇନିଆଁର ଶ୍ମଶାନ ।।
ବିଷକନ୍ୟା ତୁମେ ଜାଣି ପାରିଲିନି
ପଡ଼ିଗଲି ତୁମ ପ୍ରେମେ
କଳା ନାଗୁଣିର ଦଂଶନର ଜ୍ବାଳା
ଜାଳେ ଏବେ ପ୍ରତିକ୍ଷଣେ ।।
ସ୍ୱର୍ଗସୁଖ ବୋଲି ଦେଖେଇଲ ନର୍କ
ଡାକିଆଣି ମରଣକୁ
ତଥାପି କାହିଁକି ହୃଦୟ ବୁଝେନି
ଭୁଲେନାହିଁ ଗୋ ତୁମକୁ ।।
