ଲାଇବ୍ରେରୀ
ପ୍ରୋଫାଇଲ୍
ବିଶ୍ବାସ
ବିଶ୍ବାସ
1 min
191
ଏଇ ଆକାଶ ତଳେ
ବିଶ୍ଵାସ ଶସ୍ତା ମିଳେ ବୋଲି
ବିଶ୍ବାସଘାତକ ବି ମାଳ ମାଳ ମିଳନ୍ତି
ମହଙ୍ଗା ହୁଏନି କେବେ ମନ କି ହୃଦୟ
ବାସ୍ ଗୋଟେ ମୁହୁର୍ତ୍ତରେ ହିଁ
ମନକୁ ଗୋଟେ ରଫ୍ ଖାତା ଭାବି
ଯାହା ଇଚ୍ଛା ତାହା ଲେଖିଚ଼ାଲନ୍ତି
ହୃଦୟକୁ ସେମିତି ୟୁଜ ଏଣ୍ଡ ଥ୍ରୋ ଭାବି
କାହାରି ନା କାହାରି ନିଶ୍ଚିତ ଭାଙ୍ଗିଦିଅନ୍ତି
ଆଉ ସମୟୋପଯୋଗୀ ବ୍ୟବହାର କରି
ଫିଙ୍ଗି ଦିଅନ୍ତି ବିଚ୍ ବଜାରରେ ।
ପ୍ରତ୍ୟେକ ଖଣ୍ଡକୁ ଗୋଟେଇ ମୁଁ
ମୋ ମନ ତଳେ କବର ଦିଏ
ଗୋଟେ ନମ୍ବର ବଢ଼େଇ ଦିଏ
ତେବେ ତାଙ୍କର ହିସାବ ଖାତାରେ
ସମସ୍ତଙ୍କ ଅଗୋଚ଼ରରେ ।
ମନ୍ଥନ କରିବାପରେ ଜାଣିଲି
କେତେ ଯେ ମଧୁର ସ୍ମୃତି ରହିଛି
ସେଇ ଖଣ୍ଡ ବିଖଣ୍ଡିତ ହୃଦୟ ମାନଙ୍କର
ତାହା ଗୋଟି ଗୋଟି କରି ବାଛି
ମୁଁ ବେଳ ହେଲେ ନିଶ୍ଚୟ ପଠେଇ ଦେବି
ସେଇ ବିଶ୍ବାସଘାତକଙ୍କ ଠିକଣାରେ
ସେମାନଙ୍କ ପୁନଃ ସ୍ମୃତି ଉଦ୍ଦେଶ୍ୟରେ ।
