ବିରହ ମନ

ବିରହ ମନ ଖୋଜେ ଆଜି ତତେ

ଅର୍ପିତ ଅଶ୍ରୁ ଧରେ ଢାଳି

ଏ ମନ ତୋର ସ୍ମୃତି ରେ ବିଭୋର

ପାରୁନାହିଁ ତତେ ମୁଁ ଭୁଲି |

ଶ୍ରାବଣ ଝରତେ ହସ ରେ ତୋର

କଥାରେ ଅମୃତ ନିର୍ଝରେ

ହୃଦକମ୍ପନ ତୋ ରୂପ ଲାବଣ୍ୟ

ମନ ମୋହିନୀ ଚାହାଁଣିରେ |

ପଥର ସାଜିଛି ମୋର ଏ ହୃଦୟ

ତୋ ବିନା ଶୁଷ୍କ ମରୁଭୂମି

ସୁଗନ୍ଧ ସବୁଜିମା ତୋ ପରଶେ

ମନ ଡାକେ ସେ ପ୍ରେମ ଭୂମି |

ନିଶବ୍ଦ ଓଠ ପ୍ରେମ ସୁଧାନିଧି

ଜହ୍ନ ପଥେ ତ ସରେ ଦିନ

ସମୀର ନେଉଛି ବାରତା ମୋର

ରାତିସାରା ଯେ ନିଦହୀନ |

ଅସରନ୍ତି ଭାବନା ଆସୁଥାଏ ମନେ

ସପ୍ନ ହୋଇ ହୃଦରେ ବସେ

ଦୂରତା ଅନେକ ଥିଲେ ଥାଉ ପଛେ

ଆଜିବି ଅପେକ୍ଷା ର ଆଶେ |

ମୋ ପ୍ରେମ ନୁହେଁ ସେ ଉଆଁସୀ ରାତି

ରାତିଢଲିଲେ ସରିଯିବ

ତୁମବିନା ପ୍ରିୟା ଏକା ମୁଁ ବଞ୍ଚିଛି

ପ୍ରେମ ତୁମ ପାଇଁ ରହିବ |

ମୋ ପ୍ରେମ ନୁହଁ ସେ ଉଆଁସୀ ରାତି

ଝରୁଥିବ ପୁର୍ଣିମା ପାଇଁ

ଆଜି ଅଛି ସିନା କାଲିକି ରହିବ

ଫେରିବା ବାଟ କୁ ଚାହିଁ |