ବିପ୍ଳବୀ ବିର୍ସା ମୁଣ୍ଡା

ନା ଭୁଲିପାରିବି ମୁଁ 

     ନା ଦେଶବାସୀଏ କେହି

ବିପ୍ଳବୀ ବିର୍ସାଙ୍କୁ କେବେ

      ଆମେ ଭୁଲିପାରିବା ନାହିଁ ।

 ମୁଣ୍ଡା ଜାତିର ସେ ନେତା

       ଥିଲେ ଆଦିବାସୀ ବୀର

ଦେଶ ସ୍ଵାଧୀନତା ପାଇଁ 

        ତାଙ୍କ କିର୍ତ୍ତୀ ଯେ ଅମର ।

ସୁଗନା,କରମୀ ଦୁହେଁ

        ବିର୍ସା ବାପା ବୋଉ ଥିଲେ 

ଗୁରୁବାରେ ଜନ୍ମ ବୋଲି 

        ବିର୍ସା ନାମ ଦେଇଥିଲେ ।

ଅଠରଶହ ପଞ୍ଚସ୍ତରୀ 

       ନଭେମ୍ବର ପନ୍ଦରରେ

ବିର୍ସା ଜନ୍ମ ଭଲିହାତୁ 

        ଜିଲ୍ଲା ସୁନ୍ଦରଗଡ଼ରେ ।

ବିର୍ସାଙ୍କ ଜନ୍ମ ପୂର୍ବରୁ 

      ତାଙ୍କ ଜନ୍ମ ଭିଟାମାଟି

ଗୋରା ସରକାର ଦିନେ 

      ନେଇଥିଲେ ପରା ଲୁଟି ।

ବାମ୍ବାକୁ ଆସିଲେ ତେଣୁ

        ବିର୍ସାଙ୍କର ପରିବାର

ଗୋରା ହଟାଇବ ଦେଶୁ 

       ପଣ କଲା ବିର୍ସା ବୀର ।

ଜଙ୍ଗଲ ଜୀବିକା ତାଙ୍କ 

       ଆଦିବାସୀଙ୍କର ପ୍ରାଣ

ମୁଣ୍ଡାଙ୍କୁ ଜଙ୍ଗଲ ଗୋରା 

       ପରା କରିଲେ ବାରଣ ।

ବିର୍ସାଙ୍କ ନେତୃତ୍ଵେ ସାରା

     ମୁଣ୍ଡା ଜାତି ଗଲେ ତାତି

ତାତି ଦେଖି ଗୋରା ମଧ୍ୟେ 

      ଦିନେ ସୃଷ୍ଟି ହେଲା ଭୀତି ।

ମାଝିତା ମାରିଆ ମୁଣ୍ଡା  

       ଜମି,ଟଙ୍କାର ଲୋଭରେ

ବିର୍ସାଙ୍କୁ ଧରେଇ ଦେଲା 

       ଗୋରାମାନଙ୍କ ହାତରେ ।

ରାଞ୍ଚି କରାବାସେ ଦିନେ 

       ବିର୍ସାଙ୍କର ସହପାଠୀ

 ବିଷ ଇଞ୍ଜେକସନ୍ ଦେଲେ 

     ବିର୍ସା ତଳେ ଗଲେ ଲୋଟି ।

ଉଣେଇଶି ଶହ ମସିହା 

       ଜୁନ୍ ନଅ ତାରିଖରେ

ଦେଶପାଇଁ ବଳିଦାନ

       ତାଙ୍କ ରହିବ ମନରେ ।