ବିଜୟ ତିଳକ

ଟୀକା ନୁହେଁ ସେତ ବିଜୟ ତିଳକ

ଏ ମହାଯୁଦ୍ଧ ପ୍ରାଙ୍ଗଣରେ,

ସାନିଟାଇଜର ଓ ମାସ୍କ ମୁଖରେ

ଢାଲ ପରି ହସ୍ତେ ଥିଲେ। 

ବେଳ ଥାଉଁ ଥାଉଁ ନେଇଥିଲେ ଟୀକା

କମିବ କରୋନା ଶକ୍ତି,

ଟୀକା ନେବାବେଳେ ରଖିବ ଦୂରତା

ନହେଲେ ସବୁ ହେବ ମାଟି। 

ସାମାଜିକ ଦୂରତା ଏକ ହିଁ ଉପାୟ

ରୋକିବାକୁ ସଂକ୍ରମଣ,

ନ ମାନିଲେ ଫଳ ଭୋଗିବ ନିଶ୍ଚେ

ଅକାଳେ ଆସେ ମରଣ। 

ସଚେତନ ରୁହ ଏ ଘୋର ବିପଦେ

ଅଯଥା ନ କରି ଭିଡ଼,

ବ୍ୟବଧାନ ରଖି ବଜାରକୁ ଆସି

ଶୀଘ୍ର କିଣାକିଣି ସାର। 

ସରକାରଙ୍କର ନିୟମ ମାନିଲେ

ନଥିବ କାଲିକୁ ଭୟ,

ଥରେ ସେ ରୋଗରେ ପଡିଯିବୁ ଯଦି

ସଂସାର ହେବ ଅଥୟ। 

ଘୋର ଭୟାଭୟ ଏ ରୋଗ ପ୍ରଭାବେ

କାଲି କି ହେବ କେ ଜାଣେ,

ଅମାନିଆ ହୋଇ ରୋଗ କିଣ ନାହିଁ

ପ୍ରାଣ ଯିବ ଅକାରଣେ। 

ସାବଧାନ ହୋଇ ଚଳୁଥାଅ ଏବେ

କିଛିଦିନ କଥା ଆଉ,

ସତର୍କ ରହିଲେ ଦୂର ହେବ ଶୀଘ୍ର

ମହାମାରୀର ଏ ଦାଉ।