ବିଜୟ ଶଙ୍ଖ

ପୁରୁଣା ଗୌରବ ଫେରାଇ ଆଣିଛି,

ଭାରତୀୟ ହକି ଦଳ,

ବିଶ୍ଵ ଦରବାରେ ଦେଖାଇ ନିଜର,

ଶତଚେଷ୍ଟା,ବାହୁବଳ।

କ୍ରୀଡା ମହାକୁମ୍ଭ ଅଲମ୍ପିକ୍ସ ଠାରେ,

ଜର୍ମାନୀକୁ ମାତ୍ ଦେଇ,

ଦୀର୍ଘ ପ୍ରତୀକ୍ଷାର ଅନ୍ତ ଘଟିଅଛି,

କାଂସ୍ୟ ପଦକକୁ ପାଇ।

Advertisement

>

ଜାତୀୟ ଖେଳର ସ୍ବର୍ଣ୍ଣିମ ପୃଷ୍ଠାରେ,

ଆଉ ଏକ ସଫଳତା,

ସବୁ ଖେଳାଳିଙ୍କୁ ହୃଦୟ କୋଣରୁ,

ଶତ ଶତ କୃତଜ୍ଞତା।

ଚାରି ଦଶନ୍ଧିର ନୀରବତା ପରେ,

ଶୁଭିଛି ବିଜୟ ଶଙ୍ଖ,

ବିଶ୍ଵ ଆକାଶରେ ଦୃଶ୍ୟମାନ ଆଜି,

ତ୍ରିରଙ୍ଗାର ତିନି ରଙ୍ଗ।