ବିଦାୟୀ ବର୍ଷ

ହେ ବିଦାୟୀ ବର୍ଷ ଆଜି ତୁମ ଶେଷ ସ୍ପର୍ଶ 

ଚାଲିଯିବ ତମେ ଇତିହାସ କୋଳେ

ଦେଇ ତମ କୋହଭରା ହସ ।

                  ହେ ବିଦାୟୀ ବର୍ଷ !

ତୁମରି କାଳରେ ସୃଷ୍ଟି କରି କେତେ ଆଶା

ଦୂରେ ପଳାଇବ କରି ହତଭାଗା ନିରାଶା ।

ତମେ ତ ରଚିଛ ଦିବ୍ୟ ସଂକଳ୍ପ ଚେତନା

ମାନବବାଦର କରିଛ ପବିତ୍ର ରଚନା ।

କେତେ ଦୁଃଖ ଯନ୍ତ୍ରଣାରେ କରିଛ ଶାସନ

ତୁମେ ଶିଖାଇଚ ମାନବବାଦର ଆଚରଣ ।

ମୃତ୍ୟୁ ବିଭୀଷିକା ମଧ୍ୟେ ଫୁଟାଇ ହସ

ସମସ୍ତ ଜୀବନକୁ କରିଛ ସରଳ ସରସ ।

                   ହେ ବିଦାୟୀ ବର୍ଷ !

ଆଜି ଉପଦେଶ ଦେଇ ଚାଲିଯାଅ ତମ ଦେଶ

ସଭିଙ୍କ ମନରେ ଫୁଟି ଉଠୁ ତମ ଶବ୍ଦ ଶେଷ

ଦେଇ ଚାଲିଯାଅ ତୁମ ଅମୃତ ଶେଷ ସ୍ପର୍ଶ ।

                   ହେ ବିଦାୟୀ ବର୍ଷ !