ହେ ମହାବାହୁ

ହେ ମହାବାହୁ ଏତିକି କରୁଣା ହେଉ

ତୁଣ୍ଡରେ ଧରି ତବ ନାମ ଜୀବ ଯାଉ। 

ଆନର ହିତରେ ଜୀବନଟି ସରିଯାଉ

ତୁମ ଭାବରେ ମୋ ଭାବ ଯୋଡ଼ିହେଉ ।

            ହେ ମହାବାହୁ ଏତିକି କରୁଣା ହେଉ ।

ମନରେ ମୋହର ଭକ୍ତିଭାବ ଭରି ଯାଉ

ଗୋପୀନାଥ ହେ ଏତିକି କରୁଣା ହେଉ

ନିତି ଏ ଅଧମ ତବ ଛଡ଼ା ତୁଳସୀ ପାଉ 

ନିର୍ମାଲ୍ୟ ମୋ ତୁଣ୍ଡ ସବୁଦିନ ପାଉଥାଉ ।

            ହେ ମହାବାହୁ ଏତିକି କରୁଣା ହେଉ ।

ତବ ଦରଶନେ ଏ ଜୀବ ଧନ୍ୟ ହେଉ

କରୁଣା ରାଶିରେ ସଂସାର ପୁରି ଯାଉ

ମନର କଳ୍ମଷ ଆବିଳତା ଦୂର ହେଉ

ସତ୍ କର୍ମ ବଚନ ଜୀବନର ସାଥୀ ହେଉ।

            ହେ ମହାବାହୁ ଏତିକି କରୁଣା ହେଉ ।

ପଦ୍ମ ପାଦରେ ନିତି ମୋର ଧ୍ୟାନ ଥାଉ

ମଲାପରେ ମୋ ଶବ ସ୍ଵର୍ଗଦ୍ଵାର ଯାଉ

ତବ ନାମ ଧରି ମୋ ଜୀବ ମୁକତି ପାଉ

ରାମ ନାମ ଧରି ପାପ ତାପ ଧୋଇ ହେଉ।

            ହେ ମହାବାହୁ ଏତିକି କରୁଣା