ବିଦାୟ ବର୍ଷ
ବିଦାୟ ବର୍ଷ
କେତେ ସ୍ମୃତି ପୁଣି କେତେ ଅନୁଭୂତି
ଲେଖି ଦେଇଅଛ ସାରା ବରଷ
ଇତିହାସ ପୃଷ୍ଠାରେ ହୋଇବ ମଣ୍ଡିତ
ମେଲାଣି ଵେଳାରେ ବିଦାୟ ବର୍ଷ !!
ଅନ୍ତିମ ପ୍ରହର ଆସି ହେଲା ଉପସ୍ଥିତ
ଅନ୍ତରୁ ଭୁଲିବା ରୋଗ ଦୁଃଖ କ୍ଲେଶ
ମନୁଷ୍ୟ ଜୀବନ ସାର୍ଥକ କରିବା
ବାଣ୍ଟି ଦେବା ସର୍ବତ୍ର ସ୍ନେହ ଅଶେଷ !!
କ୍ଷଣ ଭଙ୍ଗୁର ଏ ଜୀବନ ଯାତ୍ରା
ବଞ୍ଚି ବଞ୍ଚାଇବା ସମାଜ ସର୍ବେ
କର୍ମ କରିଯିବା ସମୟ ସୁଅରେ
ଧନ୍ୟ ଏ ଜୀବନ କହିବା ଗର୍ବେ !!
ମହାମାରୀ ସାକ୍ଷୀ ରହିଲା ଏ ବିଶ୍ୱ
ଅତି ସନ୍ତର୍ପଣେ ଜୀବନ ରକ୍ଷା
ହିଂସା ଦ୍ୱେଷ ଭୁଲି ବଞ୍ଚିବାକୁ ହେବ
ଅନ୍ୟ ସେବାକୁ ମାନିବା ଜୀବନ ଦିକ୍ଷା !!
ବିଦାୟ ବର୍ଷ ର ସ୍ମୃତି ସାଇତିବା
ମହା ଶିକ୍ଷା ନେଲେ ସମୟ ଧାରେ
ମାନବ ଜୀବନ ଶ୍ରେଷ୍ଠତା ଅକ୍ଷୁର୍ଣ୍ଣ
ଗାଥା ରହିଥିବ ଏହି ଧରା ଧାମରେ !!