ବିଚଳିତ ମନ

   

ବିଚଳିତ ମନ ଯହୁଁ ବୁଦ୍ଧି ଦିଶୁ ନାହିଁ,

ବହୁ ଅଛି ଅଶ୍ରୁ ଧାର ସୀମା ତାରକାହିଁ,

      ଦେଖ ଠାକୁର ହେ !

ବହୁଦିନ ହେଲା ତୋତେ ଦେଖି ନାହିଁନେତ୍ର,

କମ୍ପୁ ଅଛି ଦେହ ସାରା ରୋଗରେ ଗ୍ରସିତ,

       ଚକାନୟନ ହେ !

ଯନ୍ତ୍ରଣା ପ୍ରବଳ ପ୍ରଭୁ ସହି  ପାରୁ ନାହିଁ,

ତୋହରି ଶ୍ରୀମୁଖ ନେତ୍ରେ ଦେଖୁ ଥିବି ମୁହିଁ,

      ଶ୍ୟାମ ସୁନ୍ଦର ହେ !

ରଥ ଯାତ୍ରା ଯିବି ପ୍ରଭୁ ଭାବି ଥିଲି ମୁହିଁ,

ବୃଦ୍ଧ ଏ ବୟସ ନାଥ ଶକ୍ତି ପାଉ ନାହିଁ

      ମୁରଲୀଧର ହେ !

ଅଟୁ ତୁ ଆରାଧ୍ୟ ମୋର କାଳିଆ ଠାକୁର,

ସର୍ବାଙ୍ଗରେ ନାମ ତୋର ଗୁଞ୍ଜୁ ନିରନ୍ତର,

     କଳା ଠାକୁର ହେ !  

ସଦା ମୁଖେ କୃଷ୍ଣ ନାମ ଭଜୁ ରାମ ନାମ,

କାଳିଆ କାଳିଆ ନାମ ଗୁଞ୍ଜୁ ଦାରୁବ୍ରହ୍ମ,

       ତୁ ଚକ୍ରଧର ହେ !

ନେତ୍ର ଦେଖୁ ଥାଉ ତୋତେ ପ୍ରାଣ ଥିବା ଯାଏ,

ଗଲେ ଛାଡି ପ୍ରାଣ ସ୍ଥାନ ବୈକୁଣ୍ଠରେ ପାଏ ,

       କରୁଣାକର ହେ !!