ବିଚ୍ଛେଦ

ହାରିଗଲି ପ୍ରେମରେ ମୁଁ ହୋଇଲା ବିଚ୍ଛେଦ,

ଆଖିକୁ ଭରସା କରି ଆସିଗଲା ଖେଦ l

ରଙ୍ଗ ନେଇ ଆସିଥିଲୁ ତୁହି ମୋ ଜୀବନେ,

ବିଚ୍ଛେଦ ହୋଇଗଲା ସାଥିରେ ତୋ'ର ମନେ l

ତୁମଠୁ ଆରମ୍ଭ ପୁଣି ତୋ ପାଖରେ ଶେଷ,

ତୋ ବିନା ଅଟକି ଯାଏ ଆଜି ମୋ ନିଃଶ୍ୱାସ l

ତୁ ସିନା ହୋଇଗଲୁ ମୋ ପାଇଁ ତ ନିଷ୍ଠୁର,

ରହିଛି ତୋ ବାଟ ଚାହିଁ ହୃଦୟ ମୋହର l

ଜାଣେ ତୁ ଲୋ ଫେରିବୁନି ଚାଲିଗଲା ପରେ,

ତୋ ସାଥିରେ ବାଟ ମୋର ସରିଲା ଅଧାରେ l

ତୋରି ଥିଲି ପ୍ରେମ ତୋତେ ଭାବି ମୁଁ ମନ୍ଦିର,

ମିଠା ମିଠା କଥା କହି ଦେଲୁଲୋ ଜହର l

ହେଲା ବାଟବଣା ତୋତେ ପାଖେ ପାଇ ପାଦ,

ବୁଝିପାରେ ନାହିଁ ତୋର ପ୍ରେମର ବିଚ୍ଛେଦ l

ଯୋଉଦିନ ବୁଝିଯିବୁ ମୋ ପ୍ରେମର ମୂଲ,

ପ୍ରେମର ବିଚ୍ଛେଦ କଣ କରିବ କି ଗେଲ ।

ହସିଲେ ବି ଝରିଯିବ ତୋ ଆଖି ଲୋତକ,

ଫେରିବନି ବିଛେଦ ସତେ ପୁଣି ଧନଯାକ l

ତଥାପି କହୁଛି ଫେରିଆ ତୁହି ମୋ ଧନ,

ଭୁଲି ଜମା ପାରୁନାହିଁ ତୋ ପ୍ରେମକୁ ମନ  l

ମିଛ ଥିଲା ପ୍ରେମ ପ୍ରତିଶୃତି ସବୁ ତୋର,

ଜାଣି ନ ଥିଲି ପ୍ରେମ ଗୋଟିଏ ବାଲିଘର l

ବିଚ୍ଛେଦେ ଲିଭିଲା ତୋ' ନାଁ କାହାଣୀରୁ ମୋର,

ଶେଷ ଇଛା ଦେଖିବି ମୁଁ ତତେ ଶେଷ ଥର ।