ବିଚ୍ଛେଦ
ବିଚ୍ଛେଦ
ତୁମରି ଓଠେ ପ୍ରେମ ଗୀତି ଗାଇ
ହସୁଥିଲା ମୋ ନୟନ
ପ୍ରୀତି ପରଶ ତନେ ଲେପି ଦେଇ
ଭାଙ୍ଗିଦେଲ ପ୍ରିୟା ମନ ।
ଅମାନିଆ ମନ ବୁଝେନି ଜମା
ଆଜିବି ଫେରିବା ଆଶେ
ଶୂନ୍ୟ ହୃଦୟ ଚିତ୍କାରୀ ତ ହସେ
ବୃଥା କଳ୍ପନା ର ପାଶେ ।
ବିରହ ଦେଶେ ଏକାକୀ କରି ଗୋ
ବେନାମୀ ଠିକଣା ଦେଲ
ପ୍ରେମ ଅଗ୍ନିରେ ଝାସ ଦେଇ ତୁମେ
ବିଚ୍ଛେଦ ଧୁପ ଜାଳିଲ ।
ପ୍ରେମ ଅଗ୍ନିରେ ଅକୁହା ବେଦନା
ଆଜିବି ଝଲସି ଉଠେ
ଦୀପ ଉପରେ ଧୂଆଁରେ ସଜନୀ
ତୁମରି ପ୍ରୀତି ଚହଟେ ।
ପୁର୍ଣିମା ରାତି ସେ ଅଧୁରା ସପ୍ନ
ବିରହ ଅନ୍ତର ଖୋଜେ
ବିଚ୍ଛେଦ ବେଦନେ ପରାଣ ମମ
ମାଟିର କଣ୍ଢେଇ ସାଜେ ।
ମନ ଗହନେ ତୋ ଲାଜୁଆ ଆଖି
ଅଜଡ଼ା ବନ୍ଧନେ ହସେ
ନିଶବ୍ଦ ରଜନେ ହେ ପ୍ରିୟତମା
ତୁମରି ସପନ ଆସେ ।
ପାଷାଣ ହୃଦୟ ତୁମରି ମନ
ବିଚ୍ଛେଦ ରଙ୍ଗେ ରଙ୍ଗିଲ
ତଥାପି ତୁମ ପ୍ରେମ ବନ୍ଧେ ବନ୍ଧୀ
ବିରହେ ଏକାନ୍ତ କଲ ।