ବିଚାରା ହାତୀ

 ଲୋକ ଉଜାଡନ୍ତି ବଣ ଜଙ୍ଗଲକୁ

ହାତୀ ଉଜାଡନ୍ତି ଗାଁ

ଲୋକଙ୍କୁ ମିଳଇ କ୍ଷତି ପୂରଣତ

ହାତୀଙ୍କୁ କିଏବା ସାହା !

ଲୋକଙ୍କ ଚାହିଦା ପୂରଣ ପାଇଁକି

ବଣ ଶିରି ଗଲା ତୁଟି

ଚାହିଦା କୁ ଚାହିଁ ଖାଦ୍ୟ ମିଳେନାହିଁ

ଗାଁରେ ପଶନ୍ତି ହାତୀ ।

 ଲୋକମାନେ ମିଶି ତଡିବାକୁ ହାତୀ

 ଫୁଟାନ୍ତି ହାବେଳୀ ବାଣ

 ଛାନିଆରେ ହାତୀ ଧାଏଁ ଏଣେତେଣେ

  ବଞ୍ଚାଇବା ପାଇଁ ପ୍ରାଣ ।

  ଆଗରେତ ତାର ପଡି ଥାଏ ଯାହା

  ପାଦରେ ଦିଏ ସେ ଦଳି

  ହେଉ ଘରଦ୍ବାର ହେଉ ସେ ମଣିଷ

  ରାଗରେ ସେ ଜଳିଜଳି ।

 ଲୋକଟିଏ ଯଦି ହାତୀ ଯୋଗୁ ମରେ

 ଦୁନିଆ ଲୁହରେ ତିନ୍ତା

 ଲୋକଙ୍କ ଦାଉରେ ହାତୀ ମରୁଛନ୍ତି

 ନାହିଁତ କାହାରି ଚିନ୍ତା !

 ହାତୀମାନେ ଆମ ରାଇଜ ଗରବ

 ରାଜା ଆମ ଗଜପତି

 ହାତୀ ବ°ଶ ନିତି ଲୋପ ପାଉଅଛି

 ପରିବେଶ ପାଇଁ କ୍ଷତି ।

  ହାତୀ ଙ୍କ ସୁରକ୍ଷା ପରିବେଶ ରକ୍ଷା

  ଏବେଠୁ ନଦେଲେ ଧ୍ୟାନ

  ହାତୀ ହୋଇଯିବେ ଇତିହାସ କଥା

  ଭୂଗୋଳେ ନଥିବ ଚିହ୍ନ ।