ଲାଇବ୍ରେରୀ
ପ୍ରୋଫାଇଲ୍
ଭୁଲ୍ ଠିକଣା
ଭୁଲ୍ ଠିକଣା
1 min
180
ଦୁଃଖ ଟି ଗୋଟେ ଭାର ଭଲ ସାଥି
ହାତ ଧରି ସାଥେ ଚାଲେ
ପାଦେ ପାଦେ ଜଗିଥାଏ
ଜଗିରଖି କଥା କହେ
ଚୁପ୍ ଚାପ୍ ପାଖେ ବସେ
ଝୁଣ୍ଟି ଗଲେ ତୋଳି ଧରେ ।।
ଚିହ୍ନେଇଦିଏ ଚିହ୍ନା ଅଚିହ୍ନା ପଦପାତ
ଶିଖେଇ ଦିଏ ,କିଏ କେମିତି!
ତୁ ଆଉ ତୋର ସ୍ବପ୍ନ
ପେଲି ଟାଣି ଧରେଇ ଦିଏ
ନିଜ ଭିତରୁ ନିଜକୁ ଖୋଜିବାର ଟାଣପଣ
ଜିଦ୍ କରି ଖୋଜିବାକୁ କହେ
ନିଜ ପରିଚୟ ।।
ଦୁଃଖ ଟା ଗୋଟେ ଭାରି ଭଲ ସାଥି
ନିରୋଳାରେ ବୁଝାଏ
ଭୋକକୁ ଟାଣ କରେ
ଓଠକୁ ଲୁହ ପିଇବା ଶିଖାଏ
ଭିଜା ଆଖି ରେ ହସ ଧାରେ
କଜ୍ବଳ କରି ପିନ୍ଧାଏ
'ସୁଖ' କୁ ଦୂରରେ ଥାଇ ଦେଖାଏ
ଆଉ ସେଇ ଆଶାଟିକୁ
ଏତେ ଗାଢେଇକି ଗଣ୍ଠି ମାରେ ଯେ
ଜୀଇଁବା ଆପେ ଶିଖିହୁଏ
ଲଢିବା, ଜିତିବା ଆଉ
ହାରିକି ବି ଖୋଲା ହସ
ହସିପାରିବା ଶିଖିଯାଏ ।।
ହାତ ମୁଠା ଭିତରେ ସ୍ବପ୍ନ କୁ ସାଉଁଟେଇ ଦେଇ
ଧକ୍କା ଟେ ମାରି କହେ
ହେଇ ଦେଖ, ' ସକାଳ ଆସୁଛି '
ସାଉଁଳେଇ ସିନା ଦିଏନି
ଦୁଃଖ ଟା କିନ୍ତୁ ଭାରି
ଭଲ ସାଥି
ଭୁଲ୍ ଠିକଣା ରେ ପାଦ ଖସିବାକୁ ଦିଏନି
ବୁଡେଇ ବୁଡେଇ ପହଁରା ଶିଖାଏ ।।
