ଲାଇବ୍ରେରୀ
ପ୍ରୋଫାଇଲ୍
ଭୁଲ ବୁଝା ମଣା
ଭୁଲ ବୁଝା ମଣା
1 min
258
ଆମ ସଂସ୍କୃତିର ଭୁଲ ବୁଝା ମଣା
ଆଣିଅଛି ବିପର୍ଯୟ
ବିଜ୍ଞାନ ଗର୍ବକୁ ଭୁତାଣୁ ଭାଙ୍ଗିଛି
ପ୍ରକୃତି କରିଛି ଜୟ ॥୧॥
ଆବଶ୍ୟକ ଠାରୁ ଚାହିଁଲେ ଅଧିକ
ହୁଏ ଭୁଲ ବୁଝା ମଣା
ପାଇବ କଷଣ ବହୁ ଅପମାନ
ଭାଙ୍ଗିବ ଗରବ ଫଣା ॥୨॥
ପ୍ରଶଂସା ଶୁଣିବ ନିନ୍ଦା ବି ସହିବ
କରିଥିଲେ କିଛି କାମ
ଭୁଲ ବଝା ମଣା ହୋଇଲେ ଜଳିବ
ସ୍ନେହ ଶ୍ରଦ୍ଧା ସେବା ପ୍ରେମ ॥୩॥
ନିନ୍ଦୁକ ବନ୍ଧୁକ ଘୁରୁଥାଏ ସଦା
ଦେବନାହିଁ ତାକୁ ଧ୍ୟାନ
ଭୁଲ ବୁଝା ମଣା ହୋଇଯିବ ପୁଣି
ପାନରୁ ଖସିଲେ ଚୁନ ॥୪॥
ଆତ୍ମା ଅବିନାଶୀ ଅଜର ଅମର
କ୍ଷଣସ୍ଥାୟୀ ଏହି ଦେହ
ଭୁଲ ବୁଝାମଣା ମନରୁ ହଟଅ
ଛାଡ ପ୍ରଶଂସାର ମୋହ ॥୫॥
ଭୁଲ ବୁଝା ମଣା ହେବନାହିଁ କେବେ
ଜ୍ବାହାରେ ରଖିଲେ ଧ୍ୟାନ
କହିବା ପୂର୍ବରୁ କରିବ ଆୟତ
ନିଜ ନିଜର ବଚନ ॥୬॥
ନବୁଝି ନଚିନ୍ତି କହିବନି କିଛି
ସବୁ କଥା ପରଖିବ
ଭୁଲ ବୁଝା ମଣା ହୋଇବନି କବେ
ନଥିଲେ ପ୍ରଂଶସା ଲୋଭ ॥୭॥
ଉଚ୍ଚାରଣ ଆଉ ଆଚରଣ ଯଦି
କରିବ ଏକୀକରଣ
ଭୁଲ ବୁଝା ମଣା ଖାଇବନି ତୁମ
ହସଖୁସିର ଜୀବନ ॥୮॥
